Maxamed
Dhawaaqid	/xɑːməd/, /hæməd/, /hɑːməd/, /hæməd/, Af-Carabi: [mʊˈħæmmæd] ( dhageeyso), [moˈħæmmæd].
Nooc	Ninn
Asalka
Weedh/Magac	Af-Carabi ﻣﺤﻤﺪ
Macnaha	Mahadsan
Meesha asalka	Islaamka oo dhan
Magacyo kale
Higgaad	Maxamed max'ed Mohamad, Mohamed, Mohammad, Mohammed, Muhamad, Muhamed, Muhamet, Muhammed, Muhammet, Mahammud

Maxamed, Muxamed, Maxamad, Muxumed, Maxamuud (ingiriis: Muhammad, Muhammed; carabi: ﻣﺤﻤﺪ, Muxamed, "Maxamed"; Faransiis: Mahmed, "Maxamed") waa magac af-Carabi ah oo macnihiisu yahay amaanan, la amaanay^[1] kaasi oo af-Ingiriis lagu dhaho Muhammad.^[2] Magacan waxaa iska leh nebiga iyo rasuulka diinta Islaamka ee Nebi Muxamed Naxariis iyo Nabadgelyo Korkiisa Ha Ahaato. Magaca Maxamed waxaa loo bixiyaa labka dadka.^[3] Sanadkii 2000 cilmibaadhis la sameeyay waxaa lagu ogaaday in Magaca Maxamed yahay magaca ugu badan ee dadka ku nool dunidu isticmaalaan taasi oo la sheegay in tiro dad oo ka badan 150 milyan lagu magacaabo Maxamed.^[4]

Magaca Maxamed waxaa lagu isticmaalaa dunida oo dhan waloow qoraalka iyo ku dhawaaqistu kala duwan tahay. Dadka Talyaaniga waxaa magacan loo qoraa Mahometus taasi oo ka timid ereyga Maometto oo la mid ah Muxamed; halka wadanka Giriiga looga yaqaano Μωάμεθ taasi oo loogu dhawaaqo "Moameth". Dhinaca kale, dadka Kaatalaanka iyo wadanka Isbayn waxaa la dhahaa Mahoma, laakiin dadka Burtuqiiska ahi waxay magaca u qoraan Maomé. Sidoo kale, dadka Gaalishiyaanku waxay yidhaahdaan Mamede oo la mid ah Muxumed. Intaasi waxaa dheer dalka Boland magaca Maxamed waa Mahomet; halka wadanka Ruushka uu ka yahay Мухаммад taasi oo loogu dhawaaqo Mukhammad. Sidoo kale qeybo ka mid ah Ruushka bari waxay u qoraan magacani Магомед oo dhawaaqeedu noqonayo "Magomed". Isku soo wada duuboo dadka Soomaalida ahi waxay u yaqaanaan Maxamed. Wadanka Sinigaal iyo dalal kale oo galbeedka Afrika ahi waxay ugu yeedhaan siyaabo kala duwan ooy ugu badan tahay Mamadou. Dadka reer Kazakh, magaca Muxamed waxay dhahaan Мұхаммед oo loogu dhawaaqo "Mukhammed".

Ugu dambeyn dhulka Shiinaha waxaa magaca Muxamed loo qoraa sidani 穆罕默德 (Mùhǎnmòdé). ^[5]

• Nebi Muxamed nebiga diinta Islaamka.
• Maxamed Siyaad Bare, madaxweynihii hore ee Dawladda Soomaaliya.
• Maxamed Ibraahim Cigaal madaxweynihii hore ee Dawladda Somaliland.
• Maxamad Aziz, siyaasi u dhashay wadanka Malaysiya.
• Mohamad Bazzi, qoraa reer Lubnaan ah.
• Maxamad Elzahabi, hogaamiyaha milatariga wadanka Lubnaan.
• Maxamad Nor Ismail,
• Maxamad Kasebi, filimsameeye reer Iiraan ah.
• Maxamad Abdul Tayyab, saynisyahan Hindiya u dhashay.
• Maxamad Zbida, ciyaartooy Suuriya u dhashay.

Sharaxaad badan iyo faahfaahin magacyada, fadlan fiiri Jadwalka Magacyada.

Magacyada dadka Soomaalida ah iyo kuwa dadka Islaamka ahi aad ayay u badan yihiin, boqolka magac ee ugu muhiimsan isla markaana loogu isticmaalka badan yahay waxaa ka mid ah: