Kaarlela

Kaarlela Oovdiš kieldâ
Kaarlela kirkko
Staatâ	Suomâ
Eennâmkodde	Koskâ-Pohjanmaa
Tááláš kieldâ	Kokkola
Lopâttum	1977
Vijđodâh	334,5 [1] km² (1.1.1976)
Ässeeloho	11 136[2] (31.12.1976)
Ässeesaahâdvuotâ	33,29 ässed/km² (31.12.1976)

Kaarlela (ruotâkielân Karleby) lii oovdiš kieldâ Suomâst, Koskâ-Pohjanmaa eennâmkoddeest. Tot lohtui Kokkola kaavpugân ive 1977 aalgâst. Ive 1976 loopâst Kaarlelast assii 11 136 olmožid, já ton vijđodâh lâi 334,5 km² (tuše eennâm, sisčääci já merâčääci iä fáárust). Kaarlela naaburkieldah lijjii Kokkola, Kälviä, Luoto já Kruunupyy.

Ive 1927 räi kieldâ nommâ lâi Kokkola táálunkieldâ (suomâkielân Kokkolan maalaiskunta já ruotâkielân Gamlakarleby landskommun).

Öja kieldâ lohtui Kaarlelan ive 1969, já Kaarlela kieldâ lohtui Kokkolan ive 1977.

Lohtaja, Kälviä já Ullava váldustiivrah meridii kieldâlahtemist Kokkolain juovlâmáánu 3. peeivi ive 2007, já kieldah lahtojii Kokkolan uđđâivemáánu 1. peeivi 2009. Kieldâlahtem maŋa šoodâi paijeel 45 000 ässee kaavpug, mon nommâ lii Kokkola. Ton vaakunin šoodâi Kokkola tááláš vaakun. Tastko Lohtaja, Kaarlela já Ullava lijjii suomâkielâliih kieldah já Kokkola lâi kyevtkielâlâš (suomâkielâ eenâblovokiellân), te Kokkola ruotâkielâlij ässei meeri kiäppánij mottoom verd, mut kieldâ pisoi kuittâg kyevtkielâlâžžân. Kokkola lii Suomâ tavemus kyevtkielâlâš kieldâ.

Ive 1970 Kaarlela kieldâst lijjii čuávuvááh čuákkipääihih: Halkokari (789 ässed), Kaustari (426 ässed), Kirkonmäki* (1 834 ässed), Knivsund (298 ässed), Kokkola kuávdáščuákkipäikki* (503 ässed), Matalamaa* (52 ässed), Norra Långö (224 ässed), Palonkylä (767 ässed) já Vitsari (239 ässed).^[4]

^* Taat čuákkipäikki kuulâi Kaarlela kieldân tuše uásild.

Wikimedia Commonsist láá koveh teikkâ eres tiätuvuárháh fáádást Kaarlela.