Tavemeerâ

Tavemeerâ lii Atlant väldimeerâ cuávis revnimeerâ, mii lii Brittilâš suollui já Euroop nannaam taveviestâroosij kooskâst. Tavemeerâ riddostaatah láá Ovtâstum kunâgâskodde viestârpeln, Taažâ tavenuorttân, Ruotâ já Tanska nuorttân, Saksa já Vuáládâhenâmeh maadânuorttân sehe Belgia já Ranska mäddin. Riddostaatah hárjutteh kuávlust vijđes ekonomâlii tooimâ, tego kuálástem já kyelišoddâdem, eennâmkaasu já eennâmoljo puuhâm sehe mađhâšem.

Eennâmtiätu

Tavemeerâ áldá kukkodâh tavveen máádás lii 960 kilomeetterid já kobdodâh viestârist nuortâs 580 kilomeetterid. Meerâ vijđodâh lii suullân 575 000 neljihâškilomeetterid já oles saijaasvuotâ 54 000 kuđâhâškilomeetterid. Čääsi koskâkieŋŋâlvuotâ lii tuše 94 meetterid, ko ovdâmerkkân Koskâmeerâ kieŋŋâlvuotâ lii koskâmiärálávt 1,5 kilomeetter. Kieŋâlumos saje lii 700 meetterid Taažâ häävdist, mii lii jieŋâlâs Taažâ riddokuávlust. Tavemeerâ lii liähmustielâsist. Atlant merâvirdeh vaigutteh ennuv ton šoŋŋâdâhân.

Käldeeh

Jurgâlus

Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: fi:Pohjanmeri