Portugal
Portugal, virgálávt Portugal täsiväldi (portugalkielân República Portuguesa), lii staatâ Euroopist. Portugal naaburstaatâ nuorttân já tavveen lii Espanja já staatâ máddáá- já uárjáábeln lii Atlant väldimeerâ. Portugalist ääsih suulân love miljovn olmožid.
Portugal täsiväldi República Portuguesa (portugalkielân) |
|
---|---|
lippu |
vaakun |
Staatâhäämi | täsiväldi |
President | Marcelo Rebelo de Sousa |
Uáiviminister | António Costa |
Uáivikaavpug | Lissabon |
Eres kaavpugeh |
Porto, Coimbra, Funchal |
Vijđodâh | 92 212 km² |
– sisčääci |
1,2 % |
Ässeeloho (2019) | 10 295 909 |
– ässeesaahâdvuotâ | 114,5 ässed/km² |
Virgáliih kielah | portugalkielâ |
Vaaluut | euro (EUR) |
Äigi | UTC |
– kesiäigi | UTC+1 |
Uánádâs | PT |
– fiävruin | P |
– kirdemmašinijn | CS |
Jotolâh | uálgispiälásâš |
Sundenummeer | +351 |
Internet TLD | .pt |
Motto | ij lah |
Aalmuglâšlaavlâ | A Portuguesa |
|
Historjá
mutePortugalist lii kuhes historjá. Maaŋgah aalmugeh láá aassâm Portugalist (ibereh, tartessoliih, kelteh, foinikialiih, kartagoliih, kreikkaliih, roomaliih, germaanliih, egyptliih, seemiliih já maureh). Nommâ "Portugal" šadda noomâst Portus Cale ađai "mučis haammân". Portugalist láá lamaš meid maaŋgah sirdoenâmeh ovdâmerkkân Brasilia, Angola, Mosambik, Kap Verde já Goa Indiast. Portugal vuobdij suulân 4 650 000 uárjid Brasilian. Majemuš sirdoeennâm lâi ive 1999 räi Macao.[1]
Portugal lii kuullâm Euroop unionân ive 1986 rääjist.[2] Portugalist lii president, já parlamentist láá 230 aalmugovdâsteijed.
Eennâmtiätu
mutePortugalist láá kyehti suáluikuávlu: Azoreh já Madeira. Sevagensuolluuh kuleh Madeiran. Staatâ alemus vääri lii Ponta do Pico. Tot lii Azorijn já lii 2 351 meetterid olluv. Portugalist láá love juuhhâd. Kuhemus juuhâ lii Tajo. Tot lii 1 038 kilomeetterid kukke.
Portugal šoŋŋâdâh lii viehâ liegâs já njuoskâs. 35,4 prosentid Portugalist lii mecci já 32 prosentid lii sino. Piälduh láá 24 prosentid.
Ekonomia
mutePortugal lii moodeern já demokraatlâš ráhtulâšvuotâstaatâ. Portugal lii uárji-Euroop kievhimus staatâ. Mađhâšem lii tehálâš toimâsyergi.
Viehâdâh
mutePortugal uáivikaavpug lii Lissabon. Tobbeen ääsih sullân kyehti miljovn olmožid. Eres teháliih kaavpugeh láá Porto, Amadora já Braga.
Kulttuur
mutePortugalist ulmuuh poreh ennuv kuolijd ovdâmerkkân sardineh já torskeh. Portviini já madeiraviini láá njálgáh já pegâlmeh. Jyelgipállu lii pivnohumos valastâllâmšlaajâ já Portugal lii miänástum tast pyereest.
Fáádást eres soojijn
mute- Wikimedia Commonsist láá koveh teikkâ eres tiätuvuárháh fáádást Portugal.