Andudi n Lḥuz 2023

Andudi n Lḥuz 2023
ⴰⵏⴷⵓⴷⵉ ⵏ ⵍⵃⵓⵣ 2023 (Tifinaɣ)
Isfka
Tamazirt	Lmɣrib
Asakud	Ljamɛ 8 Cutanbir 2023
Akud	23:11 akud n unbdu (22:11 s wakud amaḍlan)
Tasmssit	Tagrawt n Iɣil, Lḥuz
Aqquzzr	18.5 km
Taggalt	IX (icqqa bahra)
Rixṭṛ	6.9 (Taskala n Rixṭṛ)
Tiyafutin
Tamttant	2901 [1]
Ungisn	5530 [2]
Idɣarn ttyagasnin	Tasga n Lḥuz, Tamnbaḍt n trudant d tsga ns, Tasga n uzilal, Tamnbaḍt n Mrrakc, Tigmmi tumlilt tamqqrant, Tasga n Warzazat.

Andudi n 6.8 dar 22:11 s wakud amaḍlan

Takaṛḍa n umussu anakal icqqan

Asaymugram

Andudi^[3] n Lḥuz 2023 (nɣ Andudi n wakal n Lḥuz 2023 nɣ Argig n Lḥuz 2023) yut ammas n Lmɣrib ass n 8 Cutanbir 2023, g tsragt tiss 23:11 s wakud n unbdu (22:11 s wakud amaḍlan). Yut undudi s 6.8 n tskfal n tskala n Rixṭṛ g tsggiwin n wammas n Lmɣrib: Mrrakc-Asfi, Sus-Masst, Bni Mllal-Xnifra d Drɛa-Tafilalt. Tasmssit (aẓuṛ) n undudi tucka d g tgrawt n Iɣil, Tasga n Lḥuz yattin sg tmdint n Mrrakc s 71.8 km g umnid n iffus utrim. Yagguz undudi ad g wakal s 18.5 km tama n tgrawt n iɣil g idrarn n waṭlaṣ. Andudi n Lḥuz iga tayafut n usttiɣ g iddan f usikir g tlla 70.81 km ddu idrarn n waṭlaṣ. Tffɣ d tmawast n ugnsu tnna mas uṭṭun n middn immutn ilkm 2012 d ungisn lkmn uggar n 2059. Syafan middn s undudi n Lḥuz g kigan n idɣarn zun Tigmmi tumlit, Rrbaṭ, Fas, Agadir, syafan srs mddn ula sg tmizar yaḍni zun Dzayr, Spanya d Brtqqiz. Andudi n Lḥuz 2023 isslkm tigʷmma d wanawn akkʷ n tuṣkiwin s wakal g Lḥuz d Trudant^[4].

Tnna tmawast n ugnsu mas uṭṭun n tmttant n undudi n Lḥuz ilkm 2901 d 5530 n ungisn.^[5]. Tigmiḍi tamqqrant n tmttant tlla g Lḥuz d Trudant, illi iɣaman ibḍan f iḍɣarn yaḍni:

• Tamttant n 1643 n ufgan g Lḥuz
• Tamttant n 452 n ufgan g Trudant
• Tamttant n 191 n ufgan g Cicawa
• Tamttant n 41 n ufgan g Warzazat
• Tamttant n 15 n ufgan g Mrrakc
• Tamttant n 11 n ufgan g Uzilal
• Tamttant n 5 n ufgan g Ugadir
• Tamttant n 3 n ufgan g Tgmmi tumlilt
• Tamttant n yan ufgan g Lyusufiyya

Andudi n Lḥuz iga andudi inmizi nna akkʷ iwtn tamazirt n Lmɣrib, inmizi acku tattuy taskflt ns, taẓd tsmssit ns s udm n wakal. Tasmssit n undudi tlla g usun n Udasil mac, ardal ilkm kigan n tmizar yaḍni, acku ardal n induduyn ar iṭṭamẓ ar 50 f tsmssit. Andudi n Lḥuz iwmẓ timizar n Lḥuz, Tarudant d Warzazat, llant g tmizar ad usunn da ilkmn akal s tgmiḍi yattun ar 100 %. Iwmẓ undudi n Lḥuz ma ilkmn 24 n tgrawt d uggar n 600 usun d tmdint, d uggar n 170.000 n uxṣaṣ^[6].

G ugafa n Lmɣrib llan iwtta ingr tafilt tufriqt d tafilt tuwrasit, iwtta ad gan asttiɣ ingr tigzirin n Aẓuṛ d Udrar n Tariq. Tasga tagafayt n Lmɣrib ar gis ttilin isttiɣn imqqurn n udmmr (n udḥḥay) ingr snat tfila, slawan g lqqblt n uzzruy n udrar n Tariq d ill n Buran. Induduyn akkʷ ittilin g Lmɣrib zdin s urgig n iwtta ingr taflit tufriqt d tflit turasit, mayad a yujjan agafa n Lmɣrib ad ig tasga da yusin imizi amqqran n induduyn acku taẓ i iwtta^[7]. G usggʷas n 2004, yut undudi Lḥusima s 6.3 n tskfal sg tskala n Rixṭṛ, mmutn gis 628 n ufgan, ungisn lkmn s 926 n ufgan d tugt n ummṛẓi afggan g tgʷmma d wayda. yut undudi yaḍni g usggʷas n 1980, g Dzayr s 7.3 n tskfal sg tskala n Rixṭṛ, mmutn gis 2500 n ufgan^[8].

idrarn n waṭlaṣ gan abkkas ilan g taɣzi 2000 km, bbin amnẓaw ufriq sg Lmɣrib ar Tuns. Gan tayafut n umniggir n snat tfila tufriqt d tawrasit, ur bahra qqburn idrarn n waṭlaṣ, gas ɣas abkkas amaynu. Lkmn g tattuyt nsn g Lmɣrib g udrar n Tubqal. induduyn n Lmɣrib, g ugafay munn g ill n Burun, g iffus induduyn lluzzan f waṭlaṣ amqqran, amẓẓan d unammas, andudi nna akkʷ idusn ikka Agadir g 1960 s 5.9 n tskfal sg tskala n Rixṭṛ. immnduduyn n wammas d iffus n Lmɣrib ar ttggan tayafut n ucuḍ d ungu nɣ nutni s sin^[9].

Andudi n Lḥuz n usggʷas n 2023 iga sg induduyn inddabutn akkʷ nna yutn Lmɣrib atrar sg ma izrin tasut, ur t izri ɣas andudi n Mknas g 1755 acku ilkm ar 7 n tskfal sg tskala n Rixṭṛ, ilkm g uqquzzr ns s 18.5 km g tinawt n tsqqimt tamirikant n uskki ajyuluji. Asinag anamur n tjyufizikt amɣribi inna mas aqquzzr ns ur izri 8 Km d tazmrt ns tlkm 7.2 n tskfal g tskala n Ricṭṛ. Ammas awrupp anammas n usanay n induduyn inna mas mddn syafan s undudi ad g kigan n tmizar n Turuppt zun Spanya, Brtqqiz d Udrar n Tariq, syafan srs s ma ittggan 20 n tusdadt.

Tagzzumt ad txwa ur gis illi yat d ur gis ittyura amya, Aws ɣ tirra n tgzzumt ad ! Manmk a rad skrɣ ?

• Tiṛṛẓi tafggant n undudi n Lḥuz f tsga n Mulay Brahim Mrrakc
• 
• 
• 
• 
• 

Lhnd,^[10] Dzayr,^[11] Fṛansa,^[12][13] Bṛtqqiz,^[14] Pakistan, ^[15] Ṛumanya,^[16] Taywan,^[17] Tayland,^[18] Turkya,^[19] Bṛiṭanya,^[20] Marikan,^[21][22] Tamunt tawṛuppit,^[23] d Tmtta Imunn^[24] ran ad awsn, mlan tiwisi nnsn i tmazirt n Lmɣrib.^[25] Tanbaḍt tamɣribit ur ta tqbil s yat tɣarast igan tamaddudt ḥtta yat zɣ twisi ad tibṛṛanin.

Ibrrḥ Bunwa Payan, anssixf n tmdint takniwt n Mrrakc ad t igan d Marsilya ɣ Fṛansa, mas yuzn imssxsiyn i Lmɣrib bac ad awsn ɣ tmhlt n usnjm.^[26][27] Tuzn tnssixft n usqqim asgawan n Yil-du-Fṛansa, Valiri Picriss $535,000 n twisi.^[28] Tṛẓm tmsqadt tafṛansist ɣ Lmɣrib yan unɣr n tassast.^[29]

Issixf bab n waddur agllid Muḥmmad wis ṣḍiṣ, ass n 14 cutanbir 2023 agraw n twuri ittuẓlayn i usmhl n uɣawas amsdɣyi i walas n tzduɣt n wid d tid ilkm umalad s usrag n undudi n lḥuz, ifk gis bab n waddur tinmmalin nns attuynin afad ad ttwaggnt tsntayin i mddn akkʷ tlkm tkmmawt. S uzzgir n tnmmalin tigldanin attuynin, tisntayin ɣ usati n uɣawas n walas n tzduɣt i twjiwin ilkm umalad s usrag n undudi^[30]:

• 2,500 n drhm i ku tawja azmz 12 n wayyur (mad ittggan 30,000 n drhm am atig amsmun).
• 140,000 n drhm tga tiwisi taẓṛfant tusridt i tgʷmma nna akkʷ ixʷlan.
• 80,000 n drhm i twuriwin n walas n tsɣiyt n tgʷmma lli ɣ ixʷla kra.

Imgradn lli sis iẓlin : Taglamt n indudiyn ɣ Lmɣrib

Lmɣrib iwckad g yan udɣar g mnaggant snat tfila nɣ snat tflallayyin titikṭuniyyin, taflallayt tafriqt d taflallayt turasit, illi iwddjan Lmɣrib ad ig tamazirt kkatn kigan n induduyn zun:

• Asinag anamur n tjyufizikt
• Tasqqimt tamirikant n uskki ajyuluji
• Ammas awrupp anammas n usanay n induduyn
• Taskala n Rixṭṛ
• Ricṭṛ