လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
ဝဵင်းတိတိမ် (မၢၼ်ႈ: တီးတိန်မြို့ (တိမ်ညင်းမြို့), ဢိင်းၵလဵတ်ႈ: Tedim) ၼႆႉ ပဵၼ်ဝဵင်း ဢၼ်ၶဝ်ႈပႃးၼႂ်း ၸႄႈဝဵင်းတိတိမ်၊ ၸႄႈတွၼ်ႈၾလမ်း၊ မိူင်းမျၢၼ်ႇမႃႇသေ ပဵၼ်ဝဵင်းပၵ်းလုမ်း ႁင်းၸႄႈဝဵင်းတိတိမ်ယဝ်ႉ။ ၽၢႆႇႁွင်ႇ ဢိူမ်ႈၸပ်းၵၼ်ဝႆႉတင်း ၸႄႈမိူင်းမၼိပူႇရ၊ မိူင်းဢိၼ်းတီးယႃးသေ ၽၢႆႇၸၢၼ်းၸမ်ႉ ဢိူမ်ႈၸပ်းၵၼ်ဝႆႉတင်း ၸႄႈဝဵင်းၾလမ်းယဝ်ႉ။
တီႈၸႄႈဝဵင်းၼႆႉ ၵူၼ်းၶိူဝ်းၶျၢင်း ၸိူဝ်းပဵၼ် ၵုၵီ ဢမ်ႇၼၼ် တႃႇၸူဝ်း၊ ၸူဝ်(Jo)၊ ၵမ်ႁွင်၊ ၸူၵ်ႉတေး လႄႈ ၸိယိၼ် ၸိူဝ်းၼႆႉယူႇသဝ်းဝႆႉယဝ်ႉ။ ၵူၼ်းၶိူဝ်းၶျၢင်းၵုၵီ ၼႆႉ ယူႇၸွမ်းတီႈ သၢပ်ႇလႅၼ်လိၼ်ထုၵ်ႉဢႃႇသမ်တင်းၼမ်ယဝ်ႉ။ တီႈၼႂ်းၸႄႈဝဵင်းတိတိမ်ၼႆႉ ဝၢၼ်ႈ ၶဝ်ႈပႃး ႗႕ ဝၢၼ်ႈသေ ၼႂ်းၵႃႈဝၢၼ်ႈၸိူဝ်းၼၼ်ႉ ဢၼ်ၵူၼ်းၶိူဝ်းၸိယိၼ်ၶဝ်ယူႇသဝ်းၼႆႉ မီး ႕ ဝၢၼ်ႈ၊ ဢၼ်ၵူၼ်းၶိူဝ်းၸူၵ်ႉတေးၶဝ်ယူႇသဝ်းၼႆႉ ႒႖ ဝၢၼ်ႈ၊ ဢၼ်ၵူၼ်းၶိူဝ်းၵမ်ႁွင်ၶဝ်ယူႇသဝ်းၼႆႉ မီး ႓႓ ဝၢၼ်ႈ၊ ဢၼ်ၵူၼ်းၶိူဝ်းတႃႇတူဝ်းၶဝ်ယူႇသဝ်းၼႆႉ မီႈ ႑႑ ဝၢၼ်ႈယဝ်ႉ။ ဝၢၼ်ႈဢၼ်ယႂ်ႇသေပိူၼ်ႈၼႆႉ တိတိမ်၊ လူဝ်သူဝ်း၊ တူၼ်းၸင် ၸိူဝ်းၼႆႉယဝ်ႉ။
မိူဝ်ႈၸူဝ်တေး ႒႐ ႁူဝ်ပၢၵ်ႇပီၼၼ်ႉ တီႈၸႄႈဝဵင်းၼႆႉ ႁူဝ်ၼပ်ႉၵူၼ်း မီး ႑႖႔႓႕ ၵေႃႉသေ ၵူၼ်းမေႃတႅမ်ႈမေႃလူလိၵ်ႈၼႆႉ မီး ႒႔႗ ၵေႃႉၵူၺ်းသေတႃႉ ဢိင်လူၺ်ႈ သဵၼ်ႈမၢႆႁူဝ်ႁိူၼ်း ပီ 1953 သေ ႁူဝ်ၼပ်ႉၵူၼ်း မီ ႕႑႑႕႒ ၵေႃႉယဝ်ႉ၊ ယွၼ်ႉပိူဝ်ႈၽွၼ်းလီ လွင်ႈလုၵ်ႉတီႈ မိူင်းမၢၼ်ႈပွႆႈ ၸုမ်းပူၵ်းပွင်ပုတ်ႉထသႃႇသၼႃႇ၊ ဢိၵ်ႇတင်းၽူႈပၼ်ပၢႆးပႆႇၺႃႇၵူၼ်းမိူင်းလႄႈ ယၢမ်းလဵဝ် ၵူၼ်းမေႃတႅမ်ႈမေႃလူလိၵ်ႈ မီးမႃးတင်းၼမ်ယဝ်ႉ။ ဝဵင်းတိတိမ်ၼႆႉ မီးသဵၼ်ႈသၢႆတၢင်းၵပ်းသိုပ်ဝႆႉတင်း ဝဵင်းၾလမ်းယဝ်ႉ။
- ↑ ပပ်ႉသႅၼ်သမ်ႇမၢၼ်ႈ၊ သွႆႉ (၄)
|
|---|
| | ၸႄႈမိူင်း | | |
|---|
| | ၸႄႈတိူင်း | |
|---|
| | ၼႃႈလိၼ်ၽွင်းငမ်းႁင်းၶေႃ | |
|---|
| | တိူင်းၽွင်းငမ်းႁင်းၶေႃ | |
|---|
| | ၼႃႈလိၼ်မိူင်းႁူမ်ႈတုမ် | |
|---|
|
မျၢၼ်ႇမႃႇ
ၶျၢင်း
