Sámi leavga

Sámi leavga lea okta sámiid čearddalaš dovddaldagain^[1]. Dat dohkkehuvvui Åres Ruoŧas sámiid 13. konfereanssas jagis 1986. Leavgga riekkis govvida beavvi ja mánu. Alit oassi govvida mánu ja rukses oassi beaivvi.

Vuosttas leavgaevttohusa sámi leavggas hábmii dáiddár Synnøve Persen jagis 1977.^[2] Leavga geavahuvvui vuosttas geardde Álttás elfápmohuksema vuostálastimiin.

Sámiráđđi almmuhii sámi leavgga hábmengilvvu, man vuittii dáiddar Astrid Båhl.^[2] Leavga dohkkehuvvui 13. davviriikkalaš sámekonfereanssas borgemánu 15. beaivve 1986, gos dohkkehuvvui maid Sámi soga lávlla sámiid álbmotlávllan.

Jagis leat 12 leavgabeaivvi^[1]. Ođđaseamos leavgabeaivi lea skábmamánu 29. beaivi mii lea Elsa Laula Renberga riegádanbeaivi. Dát mearriduvvui leavgabeaivin 21. sámekonfereanssas Tråantes jagis 2017^[3].

• guovvamánu 6.: Sámi álbmotbeaivi
• njukčamánu 2.: Suoma Sámedikki vuođđudanbeaivi (1996).
• njukčamánu 22. ja 28. beivviid gaskasaš sotnabeaivi: Márjjabeaivi
• geassemánu 20. ja geassemánu 26. beivviid gaskasaš lávvardat: Mihcamárbeaivi
• borgemánu 9.: Ovttastuvvan Našuvnnaid álbmogiidgaskasaš álgoálbmot beaivi
• borgemánu 15.: Sámi leavgga dohkkehanbeaivi
• borgemánu 18.: Sámiráđi vuođđudanbeaivi (1956).
• borgemánu 26.: Ruoŧa Sámedikki vuođđudanbeaivi (1993).
• golggotmánu 9.: Norgga Sámedikki vuođđudanbeaivi (1989).
• skábmamánu 9.: Suoma Sámi Parlameantta vuođđudanbeaivi (1973).
• skábmamánu 15.: Isak Saba riegádanbeaivi
• skábmamánu 29.: Elsa Laula Renberga riegádanbeaivi

Wikimedia Commonsis lea eanet materiála Sámi leavgga birra.

• Sámi álbmotbeaivi

• Sámi leavgga geavaheapmi (PDF)

Dát artihkal lea oalle oanehaš ja nalta. Don sáhtát veahkehit davvisámegiel Wikipedia ja viiddidit artihkkala.