Port Logan

Port Logan Scots Gaelic: Port Neasaig
Port Logan Location within Dumfries an Gallowa
OS grid reference	NX097405
• Edinburgh	110 mi (177 km)
• Lunnon	299 mi (481 km)
Cooncil area	Dumfries an Gallowa
Lieutenancy area	Wigtoun
Kintra	Scotland
Sovereign state	Unitit Kinrick
Post toun	Stranraer
Postcode destrict	DG9
Police	Scots
Fire	Scots
Ambulance	Scots
EU Pairlament	Scotland
UK Pairlament	Dumfries and Galloway
Scots Pairlament	Galloway and Upper Nithsdale
Leet o places UK Scotland 54°43′23″N 4°57′23″W / 54.72315°N 4.95644°W / 54.72315; -4.95644Coordinates: 54°43′23″N 4°57′23″W / 54.72315°N 4.95644°W / 54.72315; -4.95644

Port Logan, umwhile Port Nessock, is a smaw veelage in the pairish o Kirkmaiden in the Rhins o Gallowa, in the historical coonty o Wigtounshire in Dumfries an Gallowa, Scotland. The Scots Gaelic name is Port Neasaig.

Port Nessock Bay is noo aw that remeens o the wastren end o a kyle that in post-glacial times separatit the main pairt o whit is noo the Rhins o Gallowa fae three smawer islands til its sooth.^[1] Thare wis a ruint pier in the bay in 1790, at that time kelp an pasper (samphire) wis ingaithert on the coast til the sooth.^[2]

The veelage wis planned; it wis creatit bi Colonel Andrew MacDowall (Douall), the laird o Logan, in 1818. MacDowall biggit a quay an bell tour designt bi Thomas Telford an a causeyed road leadin tae thaim. This causey mart the viewin seawart o the existin hooses on the Lawer Road (Laigh Row), whase woners MacDowall expectit tae flit til a new Upper Road; in the event, thay walcame't the shelter it providit fae the gell onshore winds, an prefert tae stey pit, thou subsequent maist o thaim addit a seicont storey so rekiverin some o the sea view.

Faceelitys include a veelage haw that uised tae be the local lifeboat station. It is rin bi a local comatee an is completely sel-fondin. In recent years it haes been uised for a range o social events sic as waddins an tae celebrate Hogmanay an St Andra's Day. It is whiles uised for meetins o the Kirkmaiden Community Cooncil.^[3] Thare is a wee pairt-time post-office, as weel as a smaw mercat gairden supplyin local businesses an the public.

For a couple o years until 2006 thay includit an aw a newly built cafe wi braw views cried the Butterchurn; houiver, this ane wis syne closed, and covertit intil a preevat hoose.

The Logan Fish Pownd, Logan Botanic Gairden, an Logan Hoose Gairden is nearby. Logan Fish Pownd wis built an aw bi Colonel Andrew McDouall, oreeginal as a fish laidner for Logan Hoose in 1788 an completit aboot 1800, wi a Keeper's Cot an Bathin Bothy that staunds yet as pairt o the modren Logan Fishpond Marine Life Centre. As o 2016, the Fishpond, the auldest naitural marine aquarium in the UK, gin no the warld, is a tourist attraction yet, appent again unner new management. The storey o Logan Fishpownd can be fund at the wabsteid o Historic Scotland. [1]

The veelage wis uised atween 2001 an 2003 as the settin for a faur ben BBC series, Two Thousand Acres of Sky starnin actress Michelle Collins

2017 saw the filmin o The Vanishing (umwhile Keepers) starnin Gerard Butler, Peter Mullan, an newcomer Connnor Swindells.^[4]

On 27 Julie 1944, twa Douglas C-47 Skytrains (ane wis serial nummer 42-93038) o the Unitit States Airmy Air Forces wis on a flicht fae Filton til a stap at Prestwick afore fleein on til the Unitit States. The flicht wis transportin woundit sodgers. The flicht encoontert bad wather, an the pilot o 42-39030 tried tae win altitude tae get clear o the clifts. The C-47 skroilt intil the clift side at Port Logan, whaur aw 22 passengrs an crew dee'd.^[5]

Wikimedia Commons haes media relatit tae Port Logan.

This Places o Scotland airticle is a stub. Ye can help Wikipaedia bi expandin it. v t e