Virdi

Lu virdi è unu di li culura dû spettru ca l'omu arrinesci a vìdiri, veru cumuni 'n natura. Li chianti sunnu virdi dû mumentu ca cuntennu la clorofilla.

La luci virdi havi lunghizza d'unna cchiù longa e rispettu a l'àutri culura visìbbuli, tra 490 e 570 nanòmitri.

È unu dî tri culura primari additivi, lu sò culuri cumprimintari è lu maggenta. Tanti artisti, tuttavia, cunzìddiranu ancora lu russu lu sò culuri cumprimintari.

• La mmidia, unu dî tradizziunali setti piccati capitali è spissu chiamatu lu mostru di l'occhi virdi, na pirsuna mmidiusa "virdi di mmidia".
• Lu dinaru, prubbabbirmenti pi via dû culuri virdi dû dòllaru veni spissu idintificatu cû culuri virdi, pi contra si dici "èssiri ô virdi" quannu non s'havi affattu.
• Di quanti sannu bonu curtivari li chianti si dici c' hannu lu "pòllici virdi".

Lu muvimentu ecoluggista utilizza lu virdi pi via dâ currilazzioni cu la natura. Greenpeace, nu gruppu ecoluggista, usa lu virdi pi la sò assuciazzioni cu la vita. Quanti adirìscinu a muvimenti o partiti pulìtici di natura ecoluggista vennu ditti "virdi".

Li culuranti pi usu alimintari cumprènninu la clorofilla (E140 and E141), la quinulina (E104) e, ntê paisi unni è pirmittutu, lu "Green S" (E142).

Esadicimali = #008000 
RGB    (r, g, b)    =  (0, 128, 0)
CMYK   (c, m, y, k) =  (100, 0, 100, 0)
HSV    (h, s, v)    =  (120, 100, 50)