Pruvenza

La Pruvenza (ntô pruvenzali: "Prouvènço"; nta l'occitanu: "Provença" e ntô francisi: "Provence") è na dinuminazzioni geogràfica di l'antica cuntea e macari n'antica pruvincia riali francisi e ca oggi currispunni circa a na granni parti dâ riggiuni PACA (Provence-Alpes-Côte d'Azur - Pruvenza-Alpi-Costa Azzola), ca s'attrova ntô sud-est dâ Francia, dâ banna manca dû ciumi Ròdanu (zoè a livanti) nzinu â banna ritta du ciumi Var unni cunfina cu l'antica cuntea di Nizza. Cchiù strittamenti, la Pruvenza ja nzinu a l'est dû dipartimentu dû Gard (sparti lu Ròdanu) e ê dipartimenti di l'Ardèche e dâ Drôme. Si pigghiàu lu sô nomu dâ palora latina "Provincia" ppicchì fu una dî pruvincî rumani.

Li dipartimenti di l'antica cuntea (annessa dû re di Francia Luiggi XI) foru nchiusi ntâ riggiuni mministrativa chiamata "Provence-Alpes-Côte d'Azur" (Pruvenza-Alpi-Costa Azzola) chî dipartimenti: Alpes-de-Haute-Provence (04), Hautes-Alpes (05), Alpes-Maritimes (06), Bouches-du-Rhône (13), Var (83) e Vaucluse (84). Curturalmenti e sturicamenti, si pò cunsidirari câ banna miridiunali dî dipartimenti di l'Ardèche (07) e dâ Drôme (26), accussì comu la banna livanti dû Gard (30) fannu parti dâ Pruvenza.

• La lingua pruvenzali
• La lingua occitana
• Lu scritturi pruvenzali Frédéric Mistral

• Situ ufficiali dâ riggiuni Pruvenza-Alpi-Costa Azzola
• Situ ufficiali dû trusimu ntâ riggiuni PACA

Rifirimenti: La Provence en français