Palluni (sport)

Pi l'àutri significati dû tèrmini «palluni» taliati: Palluni (disambigua)

U jocu dû palluni (o padduni) è u sport di squatra cchiù diffusu e canusciutu ntô munnu, si joca rintra nu campu longu circa centu metri e largu sittanta, i jucaturi sù spartùti rintra dû squatri di ùnnici cumpunenti l'una, di cui unu è u purteri, ca pò pigghiari a palla cui mani rintra l'aria sua, e tutti l'àutri sù jucatura ca ponnu tuccari a palla sulu cu i peri o cu a testa o comu è gghiè cu tutti i parti ru corpu sparti li manu e i vrazza.

Lu jocu cunzisti nni lu mannari la palla intra la porta di l'àutri, cà è na zona di lu campu limmitata di tri pali, dui a l'addritta e unu pi nchianu misu n capu e arriggiutu di chiddi susùti. Chista porta è longa setti metri e rutti. Li jucatura sù spartuti, a parti lu purteri, intra tri tipi di roli funnamintali, li difinzura, li centrucampisti e l'attaccanti. Asìstinu diversi urganizzazioni ca cuurdìnanu lu munnu dû palluni a liveddu munniali (FIFA), europeu (UEFA) e nazziunali, n Italia l'òrganu ca cuntrolla lu palluni si chiama FIGC.

Lu palluni è sicuramenti l'attivitati spurtiva cchiù praticata di li picciotti dû sud di l'Italia, Sicilia e Sardigna. A liveddu prufissiunisticu, pirò, li squatri dû sud e isuli nun sunnu a liveddu e n quantità di chiddi dû nord. Siddu si eccettua lu Napuli di Diegu Maradona chi vincìu dui scudetti,lu Cagliari di Gigi Riva chi vincìu lu scudettu du '70, li suli squatri dû sud e isuli chi sunnu rapprisintati a liveddu àutu sunnu lu Palermu, lu Catania e la Riggina. Lu Missina, comu puru lu Bari e lu Lecce sunnu àutri squatri chi n tempura ricenti jucaru n Seria A, lu màssimu campiunati nazziunali. Tra li jucatura na traccia mpurtanti fu lassata dû sicilianu Totò Schillaci chi fu capucannunèri dû munniali jucatu n Italia ntô 1990 e chi sparte fu elettu ufficialmenti dalla FIFA u megghiù jucatura dû turneu. Lu Palermo havi tri finali di Coppa Italia e lu Catania arrivau n semifinali ntô 2007/2008.

• Campiunatu munniali di palluni
• Squatri di palluni campiuna dû munnu (pi club)
• Coppa Ntircuntinentali (pallune)
• Coppa dû munnu pi club FIFA (palluni)
• Campiunatu Europeu di Palluni 2008
• Seria A (palluni)
• Seria B (palluni)
• Italia (squatra di palluni)
• Classifica pi squatri dei jucatura campiuni dû munnu cu li nazziunali di palluni

Lu Wikimedia Commons havi 'na catigurìa cca conteni media su Palluni (sport)

• FIFA
• UEFA
• FIGC

Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 14 di giugnu 2008

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina