Aceddu

? Acedda Èbbica dû fòssili: Tardu Giuràssicu - Ricenti
Classificazzioni scintìfica
Regnu: Animalia Filu: Chordata Suttafilu: Virtibrata (senza classificazzioni) Archosauria Classi: Aves Linnaeus, 1758

L'auceḍḍi (Aves LINNAEUS 1758) sunnu na classi di dinusauri teròpudi veru spicializzati cu pizzi senza denti, sangu càudu (omeotermi), cummigghiati di chiumi e ossa vacanti ma ribbusti. L'arti antiriuri stracanciati a addivintari ali.

Lu nomu auceḍḍu è la furma auta, a liveḍḍu pupulari la forma cchiù usata e canusciuta è aceḍḍu. Sta parola veni dû latinu aviculus, diminutivu di aves "aceḍḍu".

L'aceḍḍu cchiù nicu è Mellisuga helenae, longu 5-6 cm e pisanti 2 g. L'aceḍḍu cchiù granni era Aepyornis maximus, ca scumparìu nta tempi stòrici e stava ô Madagascar, ca arrivava a n'autizza di 3 m. Accamora âceḍḍu cchiù granni è Struthio camelus.

L'adattamenti chi pirmèttinu lu volu sunnu chisti ca sicùtanu:

• Li pinni: sunnu capaci di sustèniri l’armali ntô volu e fari scùrriri megghiu l’aria supr'â superfici.
• L'ali, dirivanti dî jammi avanti.
• Lu pettu carinatu, chi pirmetti la nzitata dî putenti mùscula pitturali, nicissari pû volu.
• A caminata bìpedi, nicissaria pi libbirari l'ali dû còmpitu di sustèniri lu corpu.
• L'ossa vacanti, chi cuntèninu sacchi d'aria culligati chî purmuna.

U pizzu è na struttura anatòmica ca âceḍḍi ùsanu nun sulu pi manciari, ma macari p'annittàrisi li pinni, manijari uggetti, ammazzari i predi, p'arricircari u manciari, pi nutricari i puḍḍicini e, nta certi casi, pi cucciulijari.

U pizzu è furmatu d'ossu (masciḍḍa e gangularu) cummigghiatu di nu stratu di chiratina ca si chiama rinfuteca. Sta fòdira, di sutta, è china di tirminazzioni nirbusi e capiḍḍari, adunca è un tissutu vivu. Nta certi aceḍḍi a punta è fatta di tissutu mortu e citrignu, ùtili pi rùmpiri e spirtusari. Nta autri speci, mmeci, a punta è accussì sinzìbbili ca è capaci mi senti l'armaleḍḍi ca stannu ammucciati sutta â rina.

Di st'usu si nn'addunau Charles Darwin quannu passau pî Galapagos, taliannu i pizzi d'âceḍḍi adattati pi diversi tipi di ecusistema.

Mancannu di denti, âceḍḍi arricògghinu u manciari ntô giseri, na speci di stòmmacu ca àvi a funzioni di capulijari. Pi facilitari sta cosa, l'armali s'agghiùttinu pitruḍḍi, comu si sapi facìanu macari certi dinusauri. A sicunnu dâ dieta, sta Classi si po spàrtiri: Template:Wip

• granìvuri, ca màncianu granu e simenti. Chisti su': pàssari, spinzuna, cardiḍḍi e autri aciḍḍuzzi di jardinu;
• nzittìvuri, pizzuferri, merri e rusignoli, ca màncianu nzetti e vermi;
• fruggìvuri, comu ê tucani e certi speci di pappajaḍḍi, ca màncianu frutta;
• nittarìvuri, comu u culibbrì, ca si nùtricanu dû nèttari dî ciuri;
• piscìvuri, cu la dieta cumposta di pisci. Appàrteninu a sta catigurìa l'aculoccia di mari, i pinguini, smerghi, cormorani, pulcinelle di mare e altri uccelli acquatici;
• avìvuri, comu ponnu èssiri sparvieri, astori e uccelli rapaci più grandi, che si nutrono di altri uccelli;
• mollusiveri, che si nutrono di molluschi come lumache, chiocciole, vongole e ostriche;
• carnivori, che si nutrono di roditori, piccoli mammiferi, rettili e anfibi;
• ovivori, che si cibano di uova di altri volatili.

Sta sizzioni è ancora vacanti. Ajùtani a scrivìrila!

L'aceḍḍi sunnu l'ùnici discinnenti viventi di l'òrdini estintu dî Dinusauri. Ntô 1860 fu truvatu â Baviera, prima na pinna e appoi u fòssili dû schèlitru di chiḍḍu ca era n'aceḍḍu, ma cu carattirìstichi strani, comu na cuda longa e senza pizzu. Era Archaeopteryx e fu cunzidiratu sùbbitu l'antinatu d'âceḍḍi, senza pirò ca nuḍḍu s'addunassi dâ lijami chî dinusauri. Thomas Henry Huxley, scinziatu darwinianu, quarchi annu doppu, prupunìu na lijami ntra aceḍḍi e dinusauri tiròpudi, cunzidirànnuli pirò parenti â luntana. Sulu nta l'anni '70 si capìu ca i du' classi di armali èranu assai cchiù vicini di quantu s'avìa pinzatu.

Pi sapìrinni cchiossai, vidi puru Lista di l'acedda cumuni.