Macignu lunari
Macignu lunari discrivi la roccia o àngara furmata supra la Luna (zzoè la luna dâ Terra). Stu tèrmini veni usatu spissu pi significari àutra materia arricugghiuta duranti la storia dâ splurazzioni umana dâ Luna.
Li petri dâ luna chi s'attròvanu supra la terra hannu sti tri urìggini: 1) chiddi arricugghiuti dî prucetti miricani di Apollo; 2) chiddi arricugghiuti dâ prugramma Luna dâ Unioni Suviètica; e 3) petri chi la luna si nni jittau fora pi menzi naturali chi cascaru versu la Terra comu cumeti.
Duranti li sei vìsiti supra la crosta lunari, 2,415 asempî cu nu pisu di 382 kg foru pigghiati, la maggiuranza di Apollo 15, 16, e 17. Li tri Luna vìculi spazziali si nn'arricuggheru n'autru 326 g d'asempî. Nzinu ô 2006 cci nn'avemu attruvatu cchiù di 90 cumeti lunari supra la Terra, cumprinnennu cchiù di 30 kg di materia.
Li petri pussèdinu carattirìstichi c'assummìgghianu lu macignu dâ Terra, supratuttu pi quantu riguarda la quantitati d'isotopi d'ossìggenu. Ma li petri dâ Luna hanna la natura di mancari lu ferru, e àutri chìmici comu putassiu o sodiu e màncanu l'acqua addirittura.
| Prucettu Lunari |
Pisu dâ Cugghiuta |
|---|---|
| Apollo 11 | 22 kg |
| Apollo 12 | 34 kg |
| Apollo 14 | 43 kg |
| Apollo 15 | 77 kg |
| Apollo 16 | 95 kg |
| Apollo 17 | 111 kg |
| Luna 16 | 101 g |
| Luna 20 | 55 g |
| Luna 24 | 170 g |
Viditi puru:
[cancia | cancia la surgenti]Liami sterni
[cancia | cancia la surgenti]- Petri e terra dâ Luna — Johnson Space Center (pi ngrisi)
- Apollo Geology Tool Catalog (pi ngrisi)