Билечанка

Вонкове видео

Билечанка 4,5 мин.

[1] Заим Имамович и Радмила Ягодич з хором Радио Сараева макед.

Билечанка, серб. Билећанка, словен. Bilečanka — култова спѣванка югославскых партизанох, котра взникла в концентрачном лагру в Билечи.

Спѣванка взникла в року 1940 в бруталных условиях концентрачного лагра. Перед самым зачатком Другой свѣтовой войны тюрмы Кральовства Югославия были переповнены мыслячима людми, котры не мирили ся з атмосферов притолочѣня, створенов тогдышнов владов. Полицайному терору особо были подданы политичны арештанты того лагра, котрый зрядили в едной зветешнѣлой, студеной турецкой касарни в Билечи. В конци апрѣля арештанты зачали ся приготовляти на первомайскы ославы, а едной ночи словинскый учитель Милан Апиг зачудовав своих товаришох прекраснов мелодийов и необычайным текстом спѣванкы, котру придумав. На другый день Тодор Вуясинович переклав слова по сербскы, а так спѣванка од зачатку была спѣвана в обох языках. В день первомайской ославы лагераше, обколесены озброенов охранов, заспѣвали раз Интернационалу, а пак нову спѣванку. Жандаре были непринадѣяны, а не знали, як реаговати на тоту смѣлу акцию, а нереаговали нияк. Штоскоро спѣванка вышла за границѣ лагра и достала назву Билечанка и стала ся култовов спѣванков югославскых партизанох.^[1]

• Bilećanka — pjesma mislećih ljudi (по сербскы). Stolaclook. 18. феб. 2013. Архівна копія з оріґінала зроблена 4. мар. 2016. https://web.archive.org/web/20160304115915/http://www.stolac.ba/bilecanka-pjesma-mislecih-ljudi.aspx. [перевірено 2020-01-01]. 
• Dragoslav Simić. Milan Apih „Bilećanka“ pesma logoraša, 1940 (по сербскы) (ФОТО). Stolaclook. http://www.audioifotoarhiv.com/gosti%20sajta/MilanApih.html. [перевірено 2020-01-01]. 
• Теодор Вуясинович (ФОТО)