Corea dal Sid
La Corea dal Sid, uffizialmain la Republica Corea, è in stadi situà sin la peninsla coreana en l'Asia orientala.
| 대한민국 大韓民國 | |||||
| |||||
| Lingua uffiziala | Corean | ||||
| Chapitala | Seoul | ||||
| Furma da stadi | Republica presidiala | ||||
| Schef da stadi | President Moon Jae-in | ||||
| Schef da la regenza | Primminister Hwang Kyo-ahn | ||||
| Surfatscha | 99.392 km² | ||||
| Abitants | 51'709'098 (2019) | ||||
| Spessezza | 507 abitants per km² | ||||
| Munaida | Won | ||||
| Independenza | 15 d'avust 1948 | ||||
| Imni naziunal | Aegukga | ||||
| Zona d'urari | UTC+9 | ||||
| Numer da l'auto | ROK | ||||
| TLD d'internet | .kr | ||||
| Preselecziun | +82 | ||||
 | |||||
Al nord cunfinescha la Corea dal Sid sin ina lunghezza da 243 km cun la Corea dal Nord, il stadi socialistic. Ils dus stadis èn vegnids fundads l'onn 1948 a l'entschatta da la guerra fraida, e la divisiun è vegnida cementada en la guerra da Corea seguenta. En l'ost cunfinescha la Corea dal Sid cun il mar da l'ost, el sid cun la via da la Corea ed en il vest cun la mar melna. La chapitala è Seoul.
Nums dal stadi
modifitgarIl num uffizial è Republica Corea, pil pli vegn dentant duvrà la noziun Corea dal Sid. Per corean sa numna il stadi Daehan Minguk (corean: 대한민국; chinais: 大韓民國; rum.: Gronda Republica da Han). En general vegn dentant era en Corea duvrada la noziun curta Hanguk (한국, 韓國, Naziun da Han) u Namhan (남한, 南韓, Han dal sid). En la Corea dal Nord vegn la Corea dal Sid numnada Namchosŏn (남조선, 南朝鮮, Joseon dal sid), cunquai che Corea vegn numnà differentamain en ils dus stadis.
Geografia
modifitgarLa Corea dal Sid è la part dal sid da la peninsla coreana. La cuntrada sa cumpona per part da muntognas cun guaud en l'ost e planiras abitadas spessamain lung la riva en il sid ed en il vest. La surfatscha è 99.392 km², dals quals 290 km² èn surfatschas maritimas. La Corea dal Sid è cunquai pli che duas giada pli gronda che la Svizra
Clima
modifitgarLa Corea dal Sid giascha en la zona temprada, ins chatta quatter differentas stagiuns. Excepziuns èn intginas valladas subtropicas en il sidost.