Messen-Scheunen

Messen-Scheunen
Localitad
Vischnanca
?–1911 →
Administraziun
Stadi	Svizra
Chantun	Berna
Regiun	Berna-Mittelland
Circul	Berna-Mittelland
Vischnanca	Jegenstorf
Territori
Autezza	578 m s.m.
Autras infurmaziuns
Numer postal	3305

Messen-Scheunen u simplamain Scheunen (local Schüüne) è in lieu en la vischnanca da Jegenstorf, ch'appartegna al circul administrativ da Berna-Mittelland dal chantun Berna en Svizra.

Scheunen, er numnà Messen-Scheunen, giascha sin la planira auta da Rapperswil. La culegna consista be d'in aclaun ed intgins bains. En ses nordost giascha Etzelkofen, en il sidvest Oberscheunen ed en il sid davos il guaud Bangerten. En il nord, da l'autra vart dal cunfin chantunal sa chatta Messen SO.

Ils bains dals dus Scheunen ord l'aria

L'onn 1911 en las vischnancas da Scheunen (Messen-Scheunen) ed Oberscheunen (Jegenstorf-Scheunen) vegnidas fusiunadas per decret a la vischnanca da Scheunen. Dapli che 100 onns pli tard, il 1. da schaner 2014, han Scheunen e Münchringen fusiunà cun la vischnanca da Jegenstorf. En fatgs ecclesiastics appartegna la populaziun refurmada da Scheunen a la plaiv da Messen en il Soloturn. Per quai vegniva la vischnanca era numnada Messen-Scheunen, en cuntrast cun Oberscheunen, ch'appartegna a la plaiv da Jegenstorf. Il santeri sa chattava dentant fin viaden ils onns 1990 a Bangerten, ch'appartegna a plaiv bernaisa da Rapperswil. Dapi lura sepuleschan ils da Messen-Scheunen lurs morts a Messen e quels dad Oberscheunen van sin il santeri da Jegenstorf.