[go: up one dir, main page]
Zumbe a 'u condenute

Bangladesh

Cange le collegaminde
Coordinate: 24°01′N 89°52′E
Ce tìne probbleme sus 'a visualizzazzione de le carettere, cazze aqquà.
Da Uicchipèdie, 'a 'ngeclopedije lìbbere.


Bangladesh
Bangladesh - Localizzazione
Bangladesh - Localizzazione
Date amministrative
Nome combleteRepubbleche Populare d'u Bangladesh
Nome ufficialeগণ প্রজাতন্ত্রী বাংলাদেশ
Lènghe ufficialelènga bengalese [Bangla]
CapitaleDhaka  (15.000.000 ab. / 2010)
Politiche
Forme de governeRepubbleche Populare
Capo di StatoZillur Rahman
Capo di GovernoSheikh Hasina
'NdipendenzeDa 'u Pakistan 'u 26 marze 1971
Trasute jndr'à l'ONU17 settèmmre 1974
Superficie
Totale147 570 km² (91º)
% de le acque7%
Popolazzione
Totale156.050.883 [1] ab. (2009) (7º)
Denzetà1064 ab./km²
Nome de le javetandeTemplate:AggNaz/Bangladesh
Sciugrafije
ContinendeAsia
Fuse orarieUTC +6
Economie
ValuteTaka
PIL (nominale)224,889 milione de $ (2008) (48º)
PIL pro capite (nominale)6,21% (2008) (154º)
ISU (2008)0,524 (medie) (140º)
Consume energetiche0,01 kWh/jav. anne
Varie
Codece ISO 3166BD, BGD, 050
TLD.bd
Prefisse tel.+880
Sigle autom.BD
Late de guideSinistre (↑↓)
Inne nazionaleAmar Shonar Bangla
Feste nazionale 
Bangladesh - Mappe
Bangladesh - Mappe
 
Cange le date sus Uicchidate · Manuale

'U Bangladesh, ufficialmènde Repubbleche Populare d'u Bangladesh, jè 'nu paise de ll'Asia. Scucchie le soje confine terrestre sus a totte le vanne cu l'Indie ad ecceziune de 'a vanne piccenne cu 'a Birmanie jndr'à ll’estreme sud-est. A sud jè vagnate da 'u Gurfe d'u Bengala. 'Nzieme cu ô state indiane d'u Bengala Occidentale stè forme 'a reggione etneche-lènguisteche d'u Bengala. 'U nome Bangladesh segnefeche "Paise d'u Bengala" jndr'à lènga ufficiale bengalese. 'U Paise se spanne sus a 144.000 km², e tène 'na popolazzione de 153 miglione de crestiáne.[1]

Le confine d'ô state de ôsce a die d'u Bangladesh sonde state stabbelite ccu 'u scucchiamènde 'mbrà Bengala e Indie jndr'ô 1947, quanne 'a reggione devende 'a vanne oriendale d'u nuève state d'u Pakistan, pure ce jè scucchiáte d'ô state a occidente da ben 1.600 km attraverse l'Indie. Discriminaziune lènguisteche, polìteche ed economeche honne condotte ad agitaziune populare condre 'u Pakistan Occidentale, ca purtarene ad 'u uerre pe' lle 'ndependenze jndr'ô 1971 ed 'a costituziune d'ô State d'u Bangladesh. Comungue, 'u nuève State ha dovute sopportà carestie, catastrofe naturale ed 'a scurisciútate spannùtee, accussì cumme sconvolgimènde polìteche e colpe de state militare. 'U repristine d'a democrazie jndr'ô 1991 jè state seguite da 'na relative stabilitate e progresse economeche.

'U Bangladesh jè 'mbrà lle pajèsere cchiù denzamènde populate d'u munne ed ha 'nu elevate tasse de scurisciútate. Sciugrafecamènde 'u paise jè acchiate sus 'a fertile chianure d'u delte d'u Gange e d'u Brahmaputra, e jè suggette a lle annuale inondaziune de le monsone e ciclone. 'U Bangladesh Jè membre de Commonwealth, SAARC, BIMSTEC, OIC, e D-8. Cumme relevate d'a Banghe Mondiale jndr'ô luglie 2005, 'u paise ha combiute progresse segnefecative jndr'ô sveluppe umane jndr'à lle settore de ll’alfabbètizzaziune, jndr'à paretate de scolarizzaziune e jndr'à riduziune d'a crescìte d'a popolazzione.[2]

Sciùgrafije

[cange • cange 'a sorgende]

Sciùgrafije fiseche

[cange • cange 'a sorgende]
Immaggene satellitare d'a reggione sciugrafeche addò jè acchiate 'u Bangladesh, cu 'u delte d'u Gange ed 'u Sundarbans.

'U Bangladesh se iacchie jndr'à vasce terminale d'u sisteme fluviale Gange-Brahmaputra, e cchiù precisamènde jndr'à reggione d'u delte d'u Gange. Quiste delte jè furmate d'a confluenze de le jume Gange (nome d'u luèche Padma o Podda), Brahmaputra (Jamuna o Jomuna), e Meghna e da le respettive affluende. 'U Gange se aunisce ad 'a juana (canale prengepále d'u Brahmaputra) e cchiù nnande se aunisce cu 'u Meghna prime de sfocià jndr'ô Gurfe d'u Bengala. 'U terrene alluvionale depositate da quiste jume ha ccrejète alcune de le cchiù fertile chianure jndre totte 'u munne. 'U Bangladesh tène 58 jume transfrondaliere (jndr'à maggior parte de le case cu l’Indie),[3] facènne ccu devende l'acqua 'na questiune polìtecamènde comblecate da resolvere. 'Na granna vanne d'u territorie d'u Bangladesh se iacchie a mène de 12 metre sus ad 'u levèlle d'u mare, e se calcule ca cirche 'u 50% de le terrene venìssere inondate ce 'u levèlle d'u mare 'nghianàsse de 'nu metre.[4]

'U punde cchiù ìrte jndr'ô Bangladesh avène tuccate sus 'a catene de le Mowdok a 1.052 metre jndr'à lle Chittagong Hill Tracts jndr'ô sud-est d'u paise.[5] 'Na vanne 'mbortande d'u litorale combrenne 'nu vosche paludose, 'u Sundarbans, 'u cchiù granne vosche de mangrovie d'u munne ed 'a patrie de 'nu munne de specie de vite anemale e vegetale, 'mbrà quèste jè combrese pure 'a tigre d'u Bengala. Jndr'ô 1997, quèste reggione jè state dichiarate a rischie.[6]

Turisme e ambiende

[cange • cange 'a sorgende]

Le cetate de 'nderesse turisteche sonde: Dacca, 'a capitale, Chittagong, 'a seconne cetate d'u Bangladesh, Cox's Bazar, 'na piccele cetate ca se iacchie jndr'à vanne sud-oriendale d'u paise famuse pe' 'u turisme balneare de nicchie, 'u Parche Naziunale d'u Sundarban, jndr'à vanne sud occidentale d'u paise. Da vedè 'a praje de Teknaf e l'isole de St. Martin, e pe' spiccià 'a cambagne 'ndorne a Nawabganj.

Flore

[cange • cange 'a sorgende]

'U clime tropecale ha fatte devendà 'a vegetaziune lussureggiande. 'Nziccate a le pajèsere crìscene banane, palme da cocche ed otre chiande da fròttere. Se iacchiene n'abbondanze jndre totte 'u paise 'nu munne de varietate de fiùre cu 'na granna gamme de profume, dimenziune e culure. Varietate de loto e giglie d'acque sbocciane jndre 'nu granne numere jndre jume, laghe, stagne e otre cuèrpe d'acque.

Faune

[cange • cange 'a sorgende]

'Mbrà lle anemale cchiù rappresendative se iacchane: 'a tigre d'u Bengala (jndr'ô vosche d'u Sundarbans), leoparde, scimmie. 'Mbrà lle rettile, se iacchiane celóne, pitone, coccodrille e 'nu munne de razze de serpende velenuse. Se icchiane pure assaje specie de acidde.

Bibbliografije

[cange • cange 'a sorgende]
  • Sandra Endrizzi, Pesci Piccoli. Donne e cooperazione in Bangladesh sull'esperienza di una cooperativa di donne di un villaggio bengalese che esporta prodotti in iuta attraverso la rete del commercio equo e solidale.
  • Muhammad Yunus, Il banchiere dei poveri, il libro dell'ideatore del microcredito come opportunità di riscatto dei più poveri
  • Luigi Pinos, Il mercato delle stelle: 52 anni in Bangladesh, EMI, Bologna 2000, la biografia di un missionario che ha passato tutta la propria vita in Bangladesh.
  • le opere di Rabindrath Tagore, il più importante scrittore in lingua bengalese.
  • Tahmima Anam, I giorni dell'amore e della guerra, Garzanti Libri 2007, il toccante romanzo di una famiglia durante gli anni della sanguinosa lotta per l'indipendenza bengalese. Per conoscere meglio la storia del Bangladesh.
  • James J. Novak, Bangladesh, Reflections on the Water, che costituisce una buona introduzione sul paese.
  • Betsy Hartmann e James Boyce, A quite violence, il racconto di due americani che hanno vissuto per mesi in un villaggio bengalese.
  • Stefania Ragusa, "Bangladesh, inferno di delizie" Ed. Vallecchi (Firenze) 2009 - La giornalista racconta il suo viaggio in Bangladesh, l'incontro con moltissimi personaggi che l'accompagnano in questo lungo viaggio tra le sfumature e i colori della cultura bangladeshi.

L'unico dizionario italiano-bengalese in commercio è il seguente: BONAZZI, Eros, Dizionario Bengali, Milano, Antonio Vallardi Editore, 2009. ISBN 978-88-7887-168-7.

Otre pruggette

[cange • cange 'a sorgende]
Condrolle de autoritàVIAF (EN) 153614928 · ISNI (EN) 0000 0001 2188 6953 · LCCN (EN) n81063207 · GND (DE) 4130903-0 · BNE (ES) XX453080 (data) · BNF (FR) cb11943135b (data) · J9U (EN, HE) 987007564574305171 · NDL (EN, JA) 00560507

Note

[cange • cange 'a sorgende]
  1. ↑ 1,0 1,1 CIA World Factbook 2007
  2. ↑ Bangladesh, riassunde d'u Paise, Banghe Mondiale, Luglie 2005, su web.worldbank.org.
  3. ↑ Trans-boundary Rivers (Banglapedia), su banglapedia.search.com.bd. URL conzultate il 17-07-2007.
  4. ↑ A Ali, 1–2, in Vulnerability of Bangladesh to climate change and sea level rise through tropical cyclones and storm surges, Water, Air, & Soil Pollution, vol. 92, 1996, p. 171–179.
  5. ↑ Summit Elevations: Frequent Internet Errors., su sol.co.uk. URL conzultate il 13-04- 2006.
  6. ↑ IUCN, Sundarban wildlife sanctuaries Bangladesh, in World Heritage Nomination-IUCN Technical Evaluation, 1997.

Collegaminde fore a Uicchipèdie

[cange • cange 'a sorgende]
Pigghjete da "https://roa-tara.wikipedia.org/w/index.php?title=Bangladesh&oldid=147881"