سلواڑ

سلواڑ
ورتوں	ریشہ [۱]،  پٹھے [۱]،  تعمیراتی مواد [۱]،  کھاݨا [۱]
انتظامی تقسیم
حصہ	ٹیکسون
ترمیم

سلواڑ یا سرکنڈا، (سائنسی نام: Saccharum spontaneum)، (جنگلی گنّا، کانس گھاہ)، برصغیر پاک و ہند وچ گھاہ دی اک قِسم اے۔ ایہ سدا بہار گھاہ اے، جیہدی لمبائی 3 میٹر تک ہُندی اے، ایہدیاں ریزومیٹوس جڑاں (rhizomatous roots) پھیلدیاں نیں۔ پاکستان، نیپال، بھارت، بنگلا دیش تے بھوٹان وچ ہمالیا سِلسلے دی بنیاد اُتے اک نشیبی ماحولیاتی علاقہ، ترائی ڈوار سوانا تے گھاہ دے میداناں وچ عام طور تے پایا جاندا اے۔ سلواڑ دے میدان ہمالیائی گینڈے (Rhinoceros unicornis) لئی اک اہم مسکن نیں۔

سلواڑ نوں چھتّاں دے چھپّر لئی خام مال دے طور تے استعمال کیتا جاندا اے۔ ایہدے تنے سِرکیاں بݨاؤݨ دے کمّ آؤندے نیں۔ ایہدا ریشہ ٹوکّریاں تے رسّیاں بݨاؤݨ لئی استعمال ہُندا اے۔ ایہنوں رسّیاں، ہَتھ پکّھیاں، ٹوکریاں، جھاڑو، چٹائیاں، جھونپڑیاں بݨاؤݨ لئی تے فصل دے تحفّظ لئی بطور ڈھال ورتیا جاندا اے۔ نیپال وچ، سلواڑ چھتّاں یا سبزیاں دے کھیتاں وچ باڑ لاؤݨ لئی وڈھیا جاندا اے۔

سلواڑ سارا سال پایا جاݨ آلا گھاہ پھوس اے، جو عام طور تے خالی تے فالتو تھاںواں، نہراں، کھاݪےآں تے ندی ناݪےآں دے کنڈھےآں اُتے اُگّدا اے۔ ایہدے اُپر چِٹّے رنگ دے جھاڑو نما پُھلّ لَگدے نیں۔

• دبھ
• گلابی گھاہ