Tërseubi
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
Tërseubi (Trisobbio an italian) a l'é un comun dël Piemont ëd 675 abitant [1], ant la provinsa ëd Lissandria. Ël pais a resta ant l'Àut Monfrà, an sle colin-e antra la val ëd l'Òrba e la val ëd la Bormia. Stòria[modìfica | modifiché la sorgiss] Passà ant l'òrbita dël Marcheisà ëd Monfrà, Tërseubi dël Quatsent a fa da sarnera antra la val ëd l'Òrba, anté ch'as consentravo j'anteress dij Malaspin-a, e la region d'Àich, anté ch'a l'era fòrt l'anfluensa dla famija Bocass. Quand che dël 1536 ël Monfrà a passa ai Gonsaga, duca 'd Màntoa, vàire feod a ven-o butà an vèndita ëdcò për compensé ij darmagi causà da le guère antra Fransa e Spagna ch'a devastavo ël Monfrà. Gioann Batista Spìnola a intra parèj an posess dël feod ëd Tërseubi e 'd na vasta area che a marca j'anteress econòmich e polìtich ëd costa vajanta famija genoèisa. Ant ël cors dël Sessent, bin doi guère 'd sucession a patojo l'area monfrin-a, lijà a le mire d'espansion dël Ducà 'd Savòja. Dal 1708, an séguit a la guèra 'd sucession ëspagneula e al sucessiv Tratà d'Utrecht, ël Monfrà a passa al duca Vitòrio Medeo II ëd Savòja e pì tard al Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1815 Tërseubi a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) d'Àich e al Mandament ëd Carpnèj. Aministrassion[modìfica | modifiché la sorgiss]Ël sìndich a l'é Marco Giovanni Comaschi (da l'08/06/2009, scond mandà dal 26/05/2014). Anliure esterne[modìfica | modifiché la sorgiss]Arferiment[modìfica | modifiché la sorgiss]
 |
|||||||||||||||||||||||||||||||||||||||
