Sambajon

Ël sambajon a l'é na beivanda dossa e licorosa.
J'angredient për minca përson-a a son: un ross d'euv, doi cuciar ëd sùcher, doe greuje d'euv pien-e 'd Marsala e na greuja d'eva.

Monté ij ross con ël sùcher an travajandje con na frusta fin ch'as oten un compòst seuli e cremos. Gionté ël Marsala e l'eva. An sël feu o a bagn marìa fe dventé spëssa la crema an sbatendla da l'àut vers ël bass: cand che la crema a l'é vnùita spëssa e s-ciumosa, sensa ch'a riva a beuje, ël sambajon a l'é pront.

Conforma a na legenda, ël sambajon a sarìa stàit anventà a Turin da Pasqual Baylon, dont a jë vnirìa ël nòm.