Pietro Ferraris

Pietro Ferraris (II) (nàit a Vërsèj ij 5 ëd fërvé dël 1912 e mòrt ambelelà j'11 d'otóber dël 1991) a l'é stàit un fotbaleur con ël ròl d'atacant.

Soa cariera da giovo a ancamin-a con la Prò Versèj ëd Silvio Piola anté che a gieuga soa prima partìa an Serie A con nomach che 17 ani. A l'ha peui giugà con l'Inter, ël Nàpoli, ël Gran Turin (fin-a a l'istà dël 1948) e peui ant ël Noara (andoa a l'é torna trovasse con Silvio Piola). L'esse passà al Noara a l'ha salvalo da meuire 'cò chiel ant la Disgrassia 'd Superga, ij 4 ëd magg dël 1949.