|
Poeta an lenga italian-a e pitor.
Enrico Thovez a l'era nassù a Turin ai 10 ëd november dël 1869, fieul dl'anginié Cesare Thovez, d'orìgin savojarde, e ëd Maria Angela Berlinguer.
A Turin Thovez a viv fin-a a soa mòrt, ai 16 ëd fërvé dël 1925.
Thovez a frequenta dle scòle técniche e a s'anscriv a la facoltà ëd siense, ma a la chita tòst, pr'ëstudié latin e grech e pijé la licensa liceal.
Antra ij 7 dë dzèmber 1895 e ij 29 ëd fërvé 1896 as fa armarché, ansema a Gustavo Balsamo Crivelli, Zino Zini e Giovanni Cena, për la dura campagna mnà an sla Gazzetta Letteraria contra ij plagi ëd d'Annunzio.
As làurea an litre a l'Università ëd Turin ai 15 ëd luj 1896, con la tesi Medioevo dorico e lo stile del Dipylon e na votassion ëd 108/110 (la tesi a sarà pùblicà ant ël 1903).
Dl'avril 1903 a meuir sò pare e dl'otóber 1903 Thovez a passa nen ël concors për diretor dl'Anstitù professional ovrié.
Sòn a lo possa a trové un travaj a La Stampa: dal 1m ëd maj 1904 a l'é redator, crìtich d'art e anvià special; crìtich literari da cand ch'a meuir Dino Mantovani, ant ël 1913.
A chita sò post cand ch'a rusa con Alfredo Frassati për la posission dël giornal an sla guèra; a passa al Pòpol, ch'a l'era a pro dl'antërvent.
A l'é stàit ëdco a la diression dla Galarìa d'Art Moderna: nominà dal consèj comunal ëd Turin ai 5 ëd mars 1913 a resta an caria fin-a a soe dimission ant ël 1921.
- Augusta Taurinorum (1901)
|
