Musé etrusch Guarnacci

Ël Musé etrusch Guarnacci a resta a Voltera, ant ël palass ëd Mario Guarnacci.

Ël musé a armonta a na fondassion ëd Pietro Franceschini, dël 1732. Dël 1761 ël colessionista e savant Mario Guarnacci a l'ha regalà soa rica colession a la sità e da antlora ël musé a l'é vnù viaman pi sgnor grassie a jë sgav, a le donassion e a 'd neuve aquisission.

A coata un perìod ch'a va dai temp preistòrich a l'época roman-a e a l'é arnomà për sò ansem ëd pi 'd 600 urne sënnerarie, dont l'urna La mòrt d'Acteon dël II sécol aGC.
Antra j'àutri tòch anteressant a venta massioné la statuëtta ëd giovnòt stranomà da Gabriele d'Annunzio Ombra dla sèira, bronz dël III sécol aGC àut anviron 60 centim. An efet, a l'ha le proporsion ëd n'ombra slongà dal sol al tramont. Mach la testa, ij pe e le part genitaj a son modlà.