Naideschdoi

Basisdate
Bunnesland:	Bade-Wirddeberg
Regierungsbezirk:	Kallsruh
Landkrääs:	Rhoi-Negga-Grais
Heche:	173 m ü. NHN
Fleche:	8,48 km²
Aiwohner:	1789 (31. Dez 2016)
Bevelkerungsdicht:	211 Eiwohner je km²
Boschtläätzahl:	74933
Voawahl:	07263
Kfz-Kennzääche:	HD
Gmäändschlüssel:	08 2 26 058
LOCODE:	DE NDN
Adress vun de; Gmäändvawaltung:	Schloßstraße 9; 74933 Neidenstein
Websait:	www.neidenstein.de
Birchamääscht:	Frank Gobernatz
Laach vun de Gmoed Naideschdoi im Landkreis
	Kard

Naideschdoi isch e Gmainde im haidige Bade-Wirddeberg und ghörd zum Rhoi-Negger-Krais. Aa wenn s Schtädtle in de Region Kurpfalz ligt, hods politisch nie zu de Kurpflaz gheerd. Naideschdoi gheerd zum Gmaindeverwaldungsverband Waibscht und de Tourismusregion Brunneregion.

Geographie

Naideschdoi ligd im Schwarzbachdal und gheerd noch zum Kraichgau, aa wenn's ned waid zum Kloine Odewald isch und d Gmaind zum Naturpark Neckartal-Odenwald gheerd. Nach Sinse, wo im Süde ligd, sins 9 Kilomeder und nach Heidlberg im Nordweschde 27. Iwwam Schtädtle isch d Veste Naideschdoi, die fer d Gschivhd vom Ord e grosse Badaidung hot.

Nåchbagmainde von Naideschdoi sin Epflbach, Helmschd-Baage, Waibscht, Eschlbrunn un – ohne e gmainsame Gemarkungsgrenz – Schbeeschbach.

Gschichd

Im frihe Middelalder isch owwerhalb vom haidige Ord d Veste Naideschdoi entschdånne, wo im Johr 1319 zum erschde Mol in ere Urkunde erwehnd worre isch. Damals isch si scho e Raichslehe von de Herre von Venninge gwessd. Bis zum Ååfang vom 19. Johrhunnerd hod Naideschdoi de Venninger gheerd un damit zum Ritterkanton Kraichgau. Wail Naideschdoi ned zu de Kurpflaz gheerd hot und die Herre von Venninge selwer iwwer de Glaube von ihre Unnertane bestimme konnde, isch Naideschtoi, annerschd wie di maischde umliegende Derfer, ned reformiird sondern lutherisch gwessd. Au e Synagoge hods ghabd, die im Johr 1938 zerschteerd worre isch. Die ledschde 19 Naideschdoiner Jude sinn am 22. Oktower 1940 im Rahme von de „Wagner-Bürckel-Aktion“ von de Geschtapo nach Haidelberg in e Sammellager gebracht worre. Im Rahme von derre Aktion sinn alle Jude in Bade und de Pfalz deportiert worre, die maischde ins Internierungslager Gurs in Südfrangraich.

Literadur

Christoph Bühler: Burgen der Kurpfalz. Bergstraße und Neckartal. Heidelberger Verlagsanstalt, Heidelberg 1990. S. 107 ff. ISBN 3-89426-012-2

Weblinks

Commons: Naideschdoi – Sammlung vun Bilder, Video un Audiodataie

Gmaind Naideschdoi

Schdedt un Gemoinde im Rhoi-Negger-Krais