Edesem

Basisdate
Dialekt:	Rhoifrängisch
Hääptvariant:	Pälzisch
Bunnesland:	Rhoiland-Palz
Landkrääs:	Siedlischi Woischdrooß
Vabandsgmäänd:	Edekowe
Heche:	151 m ü. NHN
Fleche:	16,3 km²
Aiwohner:	2231
Bevelkerungsdicht:	137 Eiwohner je km²
Boschtläätzahl:	67483
Voawahl:	06323
Kfz-Kennzääche:	SÜW
Gmäändschlüssel:	07 3 37 021
Adress vun de Verbandsverwaltung:	Poststraße 23; 67480 Edenkoben
Websait:	www.edesheim.de
Ordsbirschamaischda:	Christian Sternberger (CDU)
Laach vun de Ortsgemeinde Edesem im Landkrääs Siedlischi Woischdrooß
	Kard

Edesem (aitsch Edesheim) is ä klää Därfsche im Londgrais Siedpalz.

Laache

Edesem liehd drai Kilomeda siedlisch vun Edekowe un finf Kilomeda esdlisch vum Waldrond vunde Haad midde inde Wingade. Es Ord is großziechisch ooglehd mid viel Rebfläsch zwische de Haisa.

Gschichd

Doß Edesem 756 im Kloschda Lorsch ärwähnd worn is, is sischa, wahrschainds isses awwa aach die „villa Auduino“, wu 714 vunde Waißeburscha Benedigdina ärwähnd wärd. Die hän jerefalls 1179 än Härrehof un zwää Kärsche doo ghad. Die Drännung in Owwa- un Unnadorf siehd mär haid nuch un mär headse aach onde unnaschiedlich Schbrööch. Vun doohea kummd aach die Padronaasch vun Peda un Paul (aaches Kloschda waa de Aposdlfärschde gwaihd) und de hailisch Pedrus mid Buch un Schlissl im Ordswabbe - un nadierlisch aach die Woilaach „Ordnsguud“. Bis 1482 hän die vun Ogseschdoi Edesem als Waißeburscha Leje ghäd, donn isses noo Schbaya kumm, ärschd on Dumkabiddl, donn ons Bischdum, des wu donn iwwa 300 Joa wäldlisch un gaischdlich Owwahaubd waa.

Noha is Edesem - wie all lingsrhoinisch Gebied - ärschd vunde Fronzoose geklaud worn, donn wuads on Bayan vaschängd un kam mid Bayan ins Daitsche Raisch, unnas Nazireschiem un noo Drizonesie. Mid Rhoilond Palz isses schließlich in die BRD kumme.

Woigieda

Woiguud Wäana Anslmonn‎

Wäddschafd

Bis die Bahn fäddisch waa, waa de Kiewlmaagd nuch ä wischdich Oinahmequelle, haid isses - näwwam Woi - de Tourismus.

Sejenswead

Es Schloss Edesem hän die Waißeburscha Benedigdina schun voa 756 errichd, donn isses awwa 1594 dodal zäschdead worn, när die Wassaoolaache ausm 12. Joahunnad waan iwwrich. nodäm daßs als uuwichdscha worn isl, hod mäes 1748 gaa gonz abgeriß. ärschd im 19. Jh. hod mär oogfange, zaidgmäß nai ufzbaue. 2000 hänses grundsaniad un ä Hodel enoigsedzd.

Es Schloss Kupperwolf is vum Franz Adam Baron von Holbach gebaud gän. Donn hods ännärem eesdraichische General Kupperwolf ghead un däm soi Nome is hängegebliwwe.

Die Kadholisch Parrkärch Sgd. Peda un Paul hod ä long un wägselhafd Gschichd, wo ihr Schbure zuriggeloßd hod.

Iwwahaubd hod Edesm än Haufe vun scheene, alde Haisa, wu mär sich gean ooschaue duud.

Websaide

Commons: Edesem – Sammlung vun Bilder, Video un Audiodataie

Houmpäidsch vun Edese

Schded un Gmoinde im Londgrais Siedlischi Woischdrooß