Londkrääs Siedlischi Woischdrooß

De Londkrääs Siedlischi Woischdrooß (amtlich Landkreis Südliche Weinstraße) iss en Londkrääs im Siede vun de Palz in Rhoilond-Palz. De Londkrääs hot 108.752 Oiwuhner (2012) unn zu ihm kehre 75 Gemainde. Verwaldungssidz iss die vum Londkrääs umschlossene kraisfraii Schdadt Landach.

Wabbe vum Londkrääs Siedlischi Woischrooß

Geografie

Laach vum Londkrääs Siedlischi Woischrooß in Rhoilond-Palz

Die Daitsche Woischdrooß, vun derre de Londkrääs soin Nååme hot, fiehrd vun Sied noch Nord in de Londkrääs Derkem nai. De Londkrääs hot Otail an de Owwerhainische Tiefewene im Oschde unn dem Pälzer Wald im Weschde. Õõgrenzende Londkrääs sinn, im Uhrzaigersinn, im Weschde beginnend: Londkrääs Siedweschdpalz, Londkrääs Derkem, Rhoi-Plaz-Krääs unn Londkrääs Germersche. Im Norde grenzd de Krääs an die kraisfraie Schdadt Naischdadt unn im Siede ans fronzesische Departement Bas-Rhin.

Gschischd

Des Gebied vum haidische Londkrääs hot frieher, uffgedaild in die Bezirge Bergzabre unn Landach, zu Baiern kehrd. Nochm Zwedde Weltkriech sinn die baide zu Londkrääs gweordene Bezirge zu Rhoilond-Palz kumme.

Saine haidische Grenze erhield de Londkrääs 1969 unn hieß bis 1978 "Londkrääs Bergzabre-Landach".

Bolidig

De Landkrääs hot siewe Verbandsgemäände: Awäller, Bad Berchzawwre, Edekowe, Herxe, Landach-Land, Määkamma un Offebach an de Quääch.

Ergebniss vun de Krääsdaachswahle 2009:

Partei	%	Sitze
CDU	37,8	16
SPD	28,7	12
FW	13,8	6
FDP	9,0	4
Grüne	7,7	3
Linke	3,0	1
gesamt	100,0	42
Wahlbeteiligung in %	64,3

Wärdschafd

Induschdrieõõlage sinn selde. Im Oschde sinn Tail vum Londkrääs vum Woibau geprägd, awwa de Tourismus gewinnd imma mähner an Bedaidung. 43% vum Londkrääs, vor allem im Weschde, sinn bewalded, deswege iss die Forschdwerdschafd frieher wischdisch gwessd, haid diene die Waldfläsche vor allem fer de Fremdevakea.

Websaide

Die offiziell Houmpäidsch vum Londkrääs Siedlischi Woischdrooß

Logo vum Rhoi-Negga-Draiegg

Medropolregion Rhoi-Negga

Londkrääs un kraisfraii Schded in Rhoiland-Palz