Satelite

satelite

Supkategoria di	satelit, spacecraft
Parti di	spacecraft constellation
Fecha di descubrimento of invencion	1957
Parent astronomical body	opheto astronómiko
Simbolo Unicode	🛰

Un satelite òf satelite artificial ta un obheto, tipicamente un nave espacial, poni den orbita rond di un curpa celestial. Satelitenan tin un variedad di uzo, incluyendo relay di comunicacion, pronostico di tempo, navegacion (GPS), radiodifusion, investigacion cientifico, y observacion di tera. Tambe tin uzo militar pa reconocimento, alerta tempran, inteligencia di señal y, potencialmente, entrega di arma. Otro tipo di satelite ta inclui e fase final di e raketnan cu ta pone satelitenan den orbita, y satelitenan cu anteriormente tabata util cu despues a keda inutiliza.

E satélitnan artifisial a nanse durante e Guera Friu, entre Merka i e Union Soviétiko, ku tur dos tabata pretendé yega luna i a su bes lansa un satélite órbita espasial. Den e luna di mei di e aña 1946, e proyekto RAND a presentá e informe preliminar Design òf an Experimental World-Circling Spaceship (Diseño preliminar di un nave espasial experimental en órbita), den kua hende a bisa “Un satélit ku instrumènt apropiá, ya ku tabata un di e sientifikonan mas poderoso den e siglo XX. E realisashon di un nave satélit lo a produsí dañonan komparabel ku e eksploshon di e bomba atómiko di Nagasaki, Hapon”

E periodo espasial a kuminsá den 1946, ora e sientífikonan a kuminsá usa e raketnan aleman V-2 kapturá pa hasi midinan di e atmósfera. Promé ku e momentu aki, e sientífikonan tabata usa un blas hopi grandi ku tabata yega na 30 km di haltura i onda di radio pa studia e ionosfera. Fo’i 1946 te 1952 a usá e raketnan V-2 i Aerobee pa e investigashon di e parti superior di e atmósfera, lo kual a permití realisá midimentu di e preshon, densidat i temperatura te un haltura di 200 km.

Merka a konsiderá lansá satélitnan orbital for di 1945 bou di e Ofisina di Aeronóutika di e Armada. E Proyekto RAND di la Forsa Aéreo a presentá su informe pero nan no tabata kere ku e satélit por a bira arma militar potenshal, sino un hermènt sientífiko, polítiko i di propaganda. Den 1954, e Sekretario di Defensa a afirmá ku "No tabata konosé ningun programa di satélit merikano". Tras e preshon di e Sosiedat merikano e raket (ARS), e Fundashon Nashonal di siensia (NSF) i e den aña Geofísiko Internashonal, e interes militar a oumentá, for di 1955 e Forsa Aéreo i e Armada tabata trahando riba e Proyekto Orbiter, ku lo evolushoná pa usá un raket Jupiter-C den e lansamentu di un satélit denominá Explorer 1 e promé di januari di 1958. Dia 29 di yuli 1955, e Kas Blanku (whitehouse) a anunsiá ku Estadonan Uni di Merka tabata tin e intenshon di lansa satélit for di e ‘lente’ di 1958. Esaki a konvertí den e Proyekto Vanguard. E 31 di yuli, e Soviétiko a anunsiá ku nan tabata tin e intenshon di lansa un satélit den e ‘herfst’ di 1957. E mito ruso a kambia nos mundu E Union Soviétiko, for di e kosmódromo di Baikonur, a lansa e promé satélit artifisial di humanidat, e dia 4 de òktober di 1957; markando ku esaki un ántes i despues di e karera espasial, logrando ku e Union Soviétiko, liderá pa Rusia(rusland), haña bentaha riba merka den e karera ei. E programa akí a wòrdu yama Sputnik,ku ora di posishoná su mes eksitosamente den órbita, a emití un siñal radial den forma di pito, demostrando e éksito alkansá pa e sientífikonan Soviétiko. E programa akí a wòrdu siguí pa otro logro ruso, komo e programanan Sputnik 2 y 3. Rusia a señalá ku den e Sputnik 2, e Union Soviétiko a lográ posishoná den órbita e promé bestia den e historia, e kachó yamá "Kudryavka", ku eróneamente a haña e nòmber di laika Laika, lo kual a korespondé ku e rasa di e bestia . Ku e Sputnik, e Union Soviétiko, sin tabata tin e intenshon,a provoká un problema kolektivo na merka, debí na miedu provoká den e poblashon merikano ku e adelanto teknológiko desaroyá dor di e Soviétikonan. Den 1960 a lanso e promé satélit di komunikashonnan: e Echo I tabata un satélit pasivo ku tabata ekipá ku un sistema bidireksional sino ku tabata funshoná manera un reflektor. den 1962 a lansa e promé satélit di komunikashonnan aktivo, e Telstar I, kreando e promé enlase di televishon internashonal. E Red dI Vigilansia Espasial (SSN) a vigilá e ophetonan espasial for di 1957, despues di e lansamentu di Sputnik I. For di e periodo ei, e fundashon SSN a registrá mas di 26.000 opheto orbitando riba Tera i nan ta mantené su rastreo riba 8.000 opheto di fabrikashon humana. E sobra ta drenta di nobo den e atmósfera kaminda e ta desintegrá of si ta resistí e impakto ku e Tera. e opheto por pisá un par di ton, komo etapa di raket, hasta tiki kilogram. Aproksimadamente e 7% di e ophetonan espasial ta den funshonamentu (un 560 satélit) miéntras ku e sobra ta sushí espasial. Ta hasi menshon ku un réplika idéntiko, desaroyá na Rusia, di e famoso Sputnik ta den den e edifisio di nashon nan uní (onu), den e siudat di New York, komo símbolo di e desaroyo teknológiko alkansaá pa humanidat.

Arma antisatélite, tambe denominá komo satélite asesino, ta satélitnan diseñá pa destruí satélite enemigu, otro armanan orbital i obhetivo. Algun di nan ta armá ku proyektilnan sinétiko, miéntras otro ta usa arma di energia of partíkula pa destruí satélit, raketnan balístiko of MIRV.

• Satélit astronómiko, ta satélitnan usa pa e opservashon di planetanan, galaksia i otro opheto astronómiko.
• Biosatélites, diseñá pa hiba organismo bibu, generalmente ku e propósito di eksperimentu sientífiko.
• Satélit de komunikasion , ta esnan usa pa realisá telekomunikashon. Mayoria di biaha ta usá órbita geosínkrona , órbita di Molniya u órbita bou di tera.
• Satelitnan miniaturisá, tambe denominá komo minisatélitnan, mikrosatélitnan, nanosatélit of pikosatélit, ta karakterísá pa su dimenshonnan, peso i residuonan..
• Satélite di nabegashon, usá siñal pa konosé e posishon eksakto di e reseptor den tera.
• Satélite di rekonosimentu, denominá popularmente komo satélite espía, ta satélitnan di observasihon of di komunikashon usá pa militar u organisashonnan di inteligensha. e mayoria di e gobièrnu ta mantené e informashon di su satélit sekretamente.
• Satélite di opservashon terrestre, ta ser usá pa e opservashon di medio ambiente, meteorologia, kartografía, pa metanan militar.
• Satélite di energia solar, ta un propuesta pa satélit den órbita esséntrika ku ta enviá e energia di solo te un antena den Tera manera un fuente di poder.
• Stashonnan espasial , ta strukturanan diseñás pa e ser humano por biba den e espasio eksterior. Un stashon espasial ta distingui’é di otro navenan espasial.
• Satélite meteorológiko, ta satélit usá prinsipalmente pa registrá e tempu atmosfériko i e wer di Tera.