Gobernador di Antia Hulandes (1954-2010)
| Supkategoria di | gobernador  |
|---|---|
| Fecha di fundashon òf kreashon | 1848 |
| Pais | Reino Hulandes |
| Hurisdikshon | Antias Hulandes |
Gobernador di Antia Hulandes tabata di 1954 te 2010 e representante di e hefe di estado hulandes (ultimo monarka tabata Reina Beatrix) riba eks-Antia Hulandes.
E tareanan di gobernador tabata resultá di su dos funshon:
- representante di e interes di Reino Hulandes,
- kabes di gobièrnu antiano.
Sinembargo e gobernador no ta forma parti di e gabinete antiano. E tabata hunga un papel importante durante formashon di gabinete. Igual na e rei na Hulanda, e gobernador tabata infalibel mientras e ministernan tabata karga e responsabilidat polítiko. E gobernador tabata wòrdu nombra dor di e hefe di estado pa un término di seis aña. Na final di e periodo por prolongá esaki pa un término mas (pues máksimo diesdos aña).
E gobernador tabata wòrdu asesorá pa un Konseho di Konsulta, ku tabata konsisti di mínimo sinku miembro ku e mes tabata nombrá i ku tabata duna konseho riba tur proyekto di lei (landsverordening), lei di reino (rijkswet) i dekreto ministerial (landsbesluit).
Sede di e gobernador tabata Fort Amsterdam na Willemstad, Kòrsou. Te dia 1 di yanüari Aruba tambe tabata kai bou di Antia Hulandes. Riba e fecha ei e isla a optené su status aparte, birando un pais outónomo denter di Reino Hulandes ku un gobernador propio. Dia 10 di òktober 2010 a disolbe Antia Hulandes komo pais denter di Reino, loke a pone e funshon di gobernador kaduká. Na su luga e paisnan outónomo nobo, Kòrsou i Sint Maarten, a haya kada uno un gobernador propio. E sobra islanan Boneiru, Sint Eustatius i Saba a bira entidatnan públiko karibense.
Lista di gobernador
[editá | editá fuente]Aki ta sigui un lista di gobernador di Antia Hulandes desde introdukshon di Statuut pa e Reino Hulandes na 1954. Pa gobernadornan mas promé, mira Lista di gobernador di Antia Hulandes (1634-1954). Te 1986 Aruba tambe tabata kai bou di Antia Hulandes.
| N.º | Imagen | Periodo | Gobernador di Aruba[1] | Nombrá desde |
|---|---|---|---|---|
| 1 | 
|
1951 - 1956 | Teun Struyken | 13 di aprel 1951 (tambe gobernador di Kòrsou i Dependensianan) |
| 2 | 1956 - 1957 | Frank van der Valk (interino) | 25 di òktober 1956 | |
| 3 | 
|
1957 - 1961 | Antonius Speekenbrink | 18 di mart 1957 |
| 4 | 1961 - 1962 | Christian Winkel (interino) | mei 1961 | |
| 5 | 
|
1962 - 1970 | Cola Debrot | 10 di sèptèmber 1962 |
| 6 | 
|
1970 - 1983 | Ben Leito | 1 di yüni 1970 |
| 7 | 1983 - 1990 | René Römer | 15 di òktober 1983 | |
| 8 | 
|
1990 - 2002 | Jaime Saleh | 15 di yanüari 1990 |
| 9 | 2002 - 2010 | Frits Goedgedrag | 1 di yüli 2002 |
Mira tambe
[editá | editá fuente]Referensia
|