Fort Zoutman

Fort Zoutman
Fort Zoutman, 2020 Klòk di Willem III
Lokalisashon
Pais	Aruba
Lokalisá na	Oranjestad
Adrès	Oranjestraat/Zoutmanstraat
Koordinatonan	12°31′4.08″N 70°2′8.27″W / 12.5178000°N 70.0356306°W / 12.5178000; -70.0356306
Historia
Original	fòrti militar hulandes
Konstrukshon	1796: fòrt 1866: toren di Willem III
Funda	1798: fòrt 1868: toren di Willem III 1983: museo históriko
Restauracion	1976-1980
Situá na Aruba
Imágennan riba Wikimedia Commons
[Editá Wikidata] · [Manual]

Fort Zoutman ta un antiguo fòrti militar hulandes na Oranjestad, Aruba. E edifisio a wòrdu konstruí na 1798 na Paardenbaai i ta e edifisio di mas bieu di Aruba.^[1]. Na 1859 a añadí un toren nobo, Willem III, na e forti. For di 1983 e museo di historia di Aruba ta alohá den e kompleho.^[2]

Komo un haf pa e ruta di Kòrsou pa Venezuela, e hulandesnan a usa Paardenbaai.^[1] Na 1796, e komite militar, dirigí pa e gobernador interino Johann Rudolf Lauffer, a disidí di fortifiká e puertonan riba kada un di e islanan abou, pa defendé nan mes di pirata i otro enemigunan. E forti a risibí su nòmber di kontralmirante hulandes Johan Arnold Zoutman, ku a bringa den e di kuater guera anglo-hulandes, maske nunka el a bishitá Aruba.^[2][3] Na 1798, e konstrukshon a ser kompletá.

Na 1866, a kuminsá ku konstrukshon di e toren di Willem III. Esaki a sosodé despues ku gezaghebber J. H. Ferguson a pidi e gobernador di Kòrsou pa traha un toren di klòk. Na prinsipio, solamente un faro a wòrdu konstruí, pero dor di kolga un klok einan tambe, e faro tambe por a funshoná komo toren di klòk. E toren a risibí su nòmber di rei Willem III di Hulanda i riba su aniversario, dia 19 di febrüari 1868, a sende e lus di e faro pa promé biaha. E toren a keda posishoná dilanti di e porta, na banda wèst di e forti. Na 1963, despues di 95 aña, a stòp di usa e faro.^[2][3]

Entre 1976 i 1980, e forti i su Toren a keda restourá. Despues ku e restorashon aki a ser kompletá na 1983, e museo histórico di Aruba a establisé den dje. E museo ta ofresé un bista general di historia di Aruba. E tin ophetonan pa uso di e tempu spaño, bida rural den siglo 19, kultivashon di aloe vera i e minanan di oro Balashi i Bushiribana.^[2][4]

Tur djamars anochi, museo histórico ta organisá Bon Bini Festival pa yama turista i bishitante di e isla bonbini i disfrutá di kultura, músika, baile i kuminda di Aruba.^[5]

• 
  Fort Zoutman ku toren Willem III (potret di 1885)
• 
  Johan Arnold Zoutman, na kende a nombra e forti.
• 
  Fort Zoutman (1907)
• 
  Muraya di e forti (bista di pafor)
• 
  Toren anochi durante e bishita di prinsesa Amalia di Hulanda (2023).
• 
  Muraya di e forti (bista di paden)
• 
  Musica tipico durante Bonbini Festival
• 
  Drumband durante Bonbini Festival