Celia Cruz

Celia Cruz
Informacion basico
Nomber completo	Úrsula Hilaria Celia de la Caridad Cruz Alfonso
Alias	La Reina de la Salsa, La Guarachera de Cuba
Nacemento	21 di òktober 1925 Havana
Fayecimento	16 di yüli 2003 Fort Lee, New Jersey
Obra
Aña activo	1948–2003
Genero musical	Salsa bolero guaracha son rumba
Ofishi	kantante, aktor
Instrumento	bos
Tipo di bos	Contralto
Seya discografico	Sony Music Fania Records Tico Records Seeco
Website oficial (en) AllMusic-profiel (en) Discogs-profiel (en) IMDb-profiel (en) Last.fm-profiel (en) MusicBrainz-profiel
[Edita Wikidata] · [Manual]

Úrsula Hilaria Celia de la Caridad Cruz Alfonso, conoci como Celia Cruz, (n. 21 di october 1925 na Havana – f. 16 di juli 2003 na Fort Lee, New Jersey) tawata un artista Cubano-Mericano, conoci como e cantante di salsa mas exitoso di siglo 20, hayando bintitres album di oro. El a gana tres Grammy Awards y cuater Latin Grammy Awards. ^[1]E ta renombra internacionalmente como "Queen of Salsa" y tambe "La Guarachera de Cuba."

Celia Cobo di Billboard Magazine un biaha a bisa: "Cruz ta indisputablemente un di e miho y conoci personahe femenino influencial den historia di musica Cubano".^[2] Cruz un a biaha a bisa den un entrevista: "Si mi tawatin e oportunidad mi lo no tawata ta cantando y bailando, lo mi tawata ta un docente di Spaño manera mi tata tawata kier mi bira"

Cruz a traha cu artistanan manera Gloria Estefan, Ricky Martin, Óscar D'León, Luciano Pavarotti, Patti LaBelle y hopi mas.

Cruz a crece na Santos Suárez, un distrito di Havana, Cuba. El a crece den un famia cu cuater yiu. Cruz a cuminsa canta na cabaret y radio local te na momento cu su canto a atrae atencion di e grupo La Sonora Matancera, unda Cruz a bira lead singer.

Inicialmento, Cruz su intencion tabata pa bira docente, stimula door di su tata pa sigui un estudio den educacion. Cruz a cuminsa un estudio pa bira docente, pero a haci un cambio academico na momento cu su canto na radio a cuminsa haya popularidad. El a inscribi na e Conservatorio Nacional di Havana pa studia musica, pero toch a dicidi di stop e estudio ey. Un docente na e conservatorio a enfatisa cu lo ta miho pa e concentra full time riba su carera como cantante.^[3]

Cruz a conoce Pedro Knight, cu tabata trompetero den La Sonora Matancera. Dia 14 di juli 1962, nan a casa na Greenwich, Connecticut, Merca.^[4]

Cruz a fayece dia 16 di juli 2003, na New Jersey, Merca.

Cruz a muda di Cuba pa Mexico despues cu Fidel Castro a haya poder na Cuba na 1959, ya cu e La Sonora Matancera tabata pronuncia protesta contra e mandato socialista di Castro. Na 1961 Cruz a yega Merca. Castro a pone un ban riba Cruz, di tal manera cu Cruz no tabata mag di pone pia riba Cuba mas. Despues di 1959 Cruz nunca a regresa Cuba te na su morto.^[5]

El a pasa mayoria di tempo bibando na New Jersey, trahando na Merca y algun pais Latino Mericano.

Cruza cuminsa su carera como solista na 1965. Knight a bira su manager y director musical. ^[6]

• Salón México (1948)
• Rincón criollo (1950)
• Una gallega en La Habana (1955)
• De espaldas (1955)
• ¡Olé, Cuba! (1956)
• Affair in Havana (1957)
• Amorcito corazón (1961)
• Salsa (documental) (1976)
• Salsa (1988)
• The Mambo Kings (1992)
• The Pérez Family (1995)

• Valentina (1993-1994) - Lecumé
• El alma no tiene color (1997) - Macaria
• Celia (2015-2016) - telenovela que narra la vida de Celia Cruz

1. ↑ Smithsonian Magazine. The enduring legacy of Cela Cruz ' The Queen of Salsa'. Consulta 11 di juni 2024.
2. ↑ Latin Trends. Biography: Celia Cruz.
3. ↑ Biography Magazine. Celia Cruz. Consulta 11 di juni 2024.Consulta 11 di juni 2024.
4. ↑ Diario Las Americas. Conoza el verdadero nombre de Celia Cruz.
5. ↑ Daniel J. Fernandez-Guevara. Yo Regresare - Celia Cruz and Cuban Exile Memory. Historians.org
6. ↑ Encyclopedia Britannica. Celia-Cruz Consulta 11 di juni 2024.