Cappuccino

Cappuccino
Cappuccino
Informacion basico
Tipo	Bebida di koffie cayente
Origen	Italia
Introduci	Siglo 18
Ingrediente  principal	Espresso lechi awa cayente
Variante	Matcha
Propiedad
Color	blanco bruin
Metodo di preparacion	Mashin di espresso
Imagennan riba Wikimedia Commons
[Manual]

Cappuccino ta un bebida di koffie cayente basa ariba espresso o matcha cu un capa di lechi scuma. E lechi ta wordo kenta (60–70 °C) y scuma cu un straal di stoom cayente bou di presion. Asina e scuma di lechi ta wordo agrega na e espresso.

"Cappuccino" ta hanya su nomber for di e ordo religioso Capuchino^es, miembronan di ordo mas grandi, Franciscano^es. E color di espresso mescla cu e lechi scuma tabata similar na e color di trahe di capuchino.^[1]

Un cappuccino ta consisti di ⅓ espresso, ⅓ di e lechi kenta y ⅓ di e scuma di lechi. Por ehempel, si e cantidad di espresso ta un shot di 30ml, ora ey 30ml di lechi kenta y e mesun cantidad di e scuma di lechi ta wordo añadi na e koffie.

Cappuccino ta conoci pa su arte di latte, esey ta ensera arte decorativo den e capa di scuma di un cappuccino o un latte. Figuranan ta wordo crea y forma cu tecnicanan special di basha lechi scuma, o door di usa un pen pa pinta e figuranan ariba e capa di scuma. Hasta e uzo di siroop por yuda crea figuranan mas compleho.^[2]

Un barista ta traha un flor cu arte di latte.

Matcha cappuccino cu matcha como base en bes di espresso.