Meridiano
Den geografia, un meridiano ta un liña imaginario ku ta kore di polo pa polo i ta perpendikular ku e ekuator. Kada meridiano ta konektá puntonan di e mesun longitud i ta forma mitar di un sirkulo grandi.
Kartógrafonan ta usa liña di meridiano, òf longitut, pa determiná direkshonnan ost i wèst. E meridiano prinsipal, òf meridiano seru, ta marka e longitut 0° i ta situá na Greenwich, Gran Bretania.
Kontrali na liñanan di latitut, ku ta kore paralelo ku e ekuator, liñanan di longitut ta semisirkulonan grandi ku ta kore vertikalmente for di e polo nort pa e polo sùit. Por ehèmpel, e meridiano seru ta kore for di e polo nort via Greenwich pa e polo sùit. Na e otro banda di Tera tin e meridiano di 180°, kaminda e liñanan di longitud ost i wèst ta topa. E meridiano aki tambe ta wòrdu yamá e liña internashonal di fecha.[1]
Etimologia
[editá | editá fuente]E palabra meridiano ta derivá for di e palabra latin meridies, ku ta nifiká "meimei di dia" òf "merdia". Esaki ta referí na e momentu ku solo ta krusa un meridiano spesífiko, eksaktamente meimei di salida i bahada di solo. E mesun palabra latin aki tambe ta e orígen di e términonan ante meridiem (AM, "promé ku mèrdia") i post meridiem (PM, "despues di mèrdia").
Referensia
|