Wu Zetian

Wu Zetian
I Wu Zetian a makalaráwan king Laráwan da réng 86 a emperador ning China, a maki notang pangkasalésáyan (British Library)
Mibait	17 ya ing Febrero 624 Lizhou, China anyang dinastia Tang
Mete	16 ya ing Diciembre 705 (edad 81) Luoyang, China lalam ning dinastia Tang
Libingan	Mausoleo ning Qianling
Kapanintunan/propesion	Emperador
Asawa	Emperador Taizong ning Tang; Emperador Gaozong ning Tang
Ának	Li Hong, Emperador Yizong; Princess Si of Anding (654–654); Li Xian, Principe Heredero (Crown Prince) Zhanghuai Li Xian, Emperador Zhongzong; Li Dan, Emperador Ruizong; Princesa Taiping

I Wu Zetian (17 ya ing Febrero 624-16 ya ing Diciembre 705) ing múmúna at mágdilidíling babáying méging emperador king kasalésayan ning China, a mumuna mig-áring de facto ning dinastiang Tang, at manibat anyang 690, king saríli nang katulíran. Manibat 665 anggang 690, migsilbí yang emperatriz consorte ning dinastia Tang (antimóng asáwa ning emperador Gaozong) at kaybat, kamaté na, antimóng emperatriz viuda (empress dowager) karéng kayang ának (ing Emperador Zhongzong ampó ing Emperador Ruizong). É pa milyári ini king kasalésáyan ning China, anyang tétag né ing dinastia Wu Zhou, at migsilbí yang babáying emperador o emperatriz manibat 690 anggang 705. Yá kabud babáying soberána king kasalésáyan ning China. Anyang ápat a púlung banwang mig-árí ya, mégi yang métung karéng mayupayang bangsá ning yátu ing China, at míbiáyang pasibáyu ing kayang cultura ampóng economia, at mébáwas ing kapirayá nan o kasusúpan (corruption). Mílakó ya king upáyâ kapamílatán ning coup anyang 2005 at mété ya pilang búlan kaybat na níti.