Ing ubíngan kúyug, (Chrysopelea paradisi) a áusan dang Paradise tree snake ó paradise flying snake king Inglis, métung yang species ning ubingan a mayayákit king mauli aslagang Asia. Kalúpa da réng áliwang kayábé genus Chrysopelea, sásalampiad (glide) ya kapamílatan ning pámanatyat ning kayang katáwan bá yang maging pátag o panté (flat) kapamílatán ning pámangámit karéng kayang tagyang. Kéraklan mayayákit ya karéng mabasang kakewan, at agyú na iti angga king distánciang apúlung métru ó maygit pa[1] kapamílatán ning pámag-salampiad manibat king bábó ning pun dútung. Nung albén mé king slow motion photography, mámaáun ya ing katáwán ning ubíngan, kábang álus é ya gágáló ing kayang buntuk, a mángabaldugang contraládu ya pámanyulapó. Maki kamandag yang kasantingan ó katamtáman tápang, at pipitpitan nó réng animal a kayang darakpan, a kéraklan lupísak ampóng talibátab.
- ↑ Here's how flying snakes stay aloft (en-US) (2020-06-29).
Data related to Chrysopelea paradisi at Wikispecies
Ating mediang maki kaugnayan kang/king Chrysopelea paradisi king Wikimedia Commons
