Sangke

Sangké
Ing sangké king United States National Arboretum Déng búnga ampóng bútul ning sangké
Scientific classification
Kaarian: Plantae (unranked) Dicotyledonae Orden: Austrobaileyales Familia: Schisandraceae Genus: Illicium Species: I. verum
Binomial name
Illicium verum
Synonyms
Illicium san-ki Perr.

Ing sangké ó sangkî (Illicium verum) métung yang evergreen a pun dútung a katutúbû king pangulu aslagan ning Vietnam ampóng mauli albugan ning China. Mánibat ya king tanáman a iti ing pákalasang (spice) a áusan dang star anise, staranise, star anise seed, star aniseed, star of anise, Chinese star anise, ó badian, a kalúpa na lása ning anise. Makukwá ya king búnga ning sangké, king pericarp na, karéng búngang pupupúlan da pótang bayú la lúlut. Ing star anise oil mabanglú yang larung gagamítan da king pámaglútû, karéng pabanglu, sabun, toothpaste, mouthwash, ampóng skin cream. Anggang 2012, anyang minális la king pámangamit karéng bacteria, ing Roche Pharmaceuticals ing gágamit king 90 porciento ning mépupul a sangké king yátu báng gáwang shikimic acid, métung a chemical intermediate a gagamítan da king pámangawang oseltamivir (Tamiflu).^[1]

1. ↑ Schönholzer, Fabio (15 March 2018). "Dried Stars" (in en), Zürich: University of Zurich.