Impresionismo

*Impression, Sunrise*, 1872, (Timálad: Pámanaslag ning Aldo) Claude Monet laráwan king oleo king lienzong makabílí ngéni king Musée Marmottan Monet king Paris. Ini ing pénibatán ning lagyú ning pangimut, kaybat ning articulo nang Louis Leroy's anyang 1874, ing "The Exhibition of the Impressionists"

Ing Impresionismo pangimut ya king kalalangan (art movement) anyang kalabingsyam a síglu nung nú mayayákit la réng mangálatí dápót átatalastas a kaskas, makabuklat a composicion, pámanilmid king matapat a pámaglaráwan king sálâ ampó ing kayang pámagbáyu (a sísikan king pángalábas ning panaun), karaníwan a paksâ, makayaliwang angulo, ampó ing pámanábe king pámangimut antimóng maulagang dáké ning paglaláwé ampóng délánán ning táwu. Migumpisá ya ing Impresionismo king ágúman da réng talagúlis a manuknangan king Paris a méging kabalítan úli ning karélang timáwang pámipalagé anyang decadang 1870 ampong 1880.