Iridii

Iridii (lat. Iridium) on jygei da valgei metallu, kuduan noumer Mendelejevan taulukos on 77, lyhendysmerki on Ir. Iridii kuuluu platinumetalloin joukkoh. Metallois se parembi kaikkii kestäy korroziedu. Muas iridiedu harvu kus lövvät. Enzimäzenny Iridien löydi anglielaine hiimiekku Smitson Tennant (Smithson Tennant) vuvvennu 1803. Häi sulai platinua tsuarin viinah, silloi jäi mustu aineh, kuduas samal aigua löyttih iridiedu da osmiedu. Oman nimen se sai muinas-griekkalazes sanas ἶρις-ukonkuari. Iridien suolat ollah erivärizet, kui ukonkuarigi.