Siberia
Siberia (en rus: Сибирь, Sibir) es la part de la Federacion de Russia situada en Asia : una imensa region d'una surperfícia de 13,1 milions de km² fòrça pauc poblada (39 milions d'abitants siá aperaquí 3,51 abitants au km²). Situada dins l'èst de Russia, s’estend de l'Oral à l'oèst fins a l'ocean Pacific e de l'ocean Artic al nòrd fins als monts d'Altai al nòrd de Cazacstan e a las frontièras mongolas e chinesas. Constituissent la part nòrd d'Asia, Sibéria representa 77 % de la surperfícia de Russia, mas sonque 27 % de sa populacion, e se caracteriza per un clima fred e continental amb un paisatge de relèu moderat traversat de flumes bèls. Longtemps abitada per de populacions pastoralas turcofònas, foguèt progressivament colonizada per l'Empèri rus. Lo regim sovietic i comencèt al sègle XXe l'extraccion minièra, gasièra e petrolièra e contunhèt l'expleitacion forestièra.
Geografia fisica
modificarÒm subdevesís generalament Siberia en tres grands ensembles, geologicament desparièrs e separats per los rius Ienisseï e Lena :
- La Siberia occidentala (2 427 000 km2), a l'èst d'Oral fins a la ligne de partage dels rius Ob e Ienisseï, vasta plana de 2 000 km de larg, constituïda de tèrras de febla altitud e mal drenadas, amb fòrça lacs e de paluns.
- Lo plan de Siberia centrala (4 122 000 km2), a l'èst del riu Ienisseï, que culmina entre 300 mètres d'altitud, es entrecopat de gòrjas o de lacs prigonds coma lo lac Baikal. Al sud, s'enauça una nauta cadena montanhosa compausada de l'Altai e dels Monts de Saian amb de somalhs de 3 000 a mai de 4 000 mètres.
- La Siberia orientala, dicha tanben Extrèm Orient rus (mai de 6 milions de km²), a l'èst del riu Lena, constituïda de divèrsas montanhas e s'acabant a l'èst per la peninsula de Kamchatka e sa cadena de volcans actius.
Lo punt culminant de Siberia es lo Kliotchevskoï, volcan actiu situat dins la peninsula de Kamchatka.