Sibèria

Sibèria
	(ru) Сибирь
	;
Sorte	Rejon zeogràfega
Parte de	Àzia
Liogo
Continente	Eoràzia
Rejon aministrativa	Rùsia
Bagnà da	Osèano Àrtego e Osèano Pasìfego
Formà da	Siberia occidentale (it) ; Sibèria orientałe ; Russia orientale (it)
Dati e sifre
Àrea	13 100 000 km²

Distreto Federal Siberian Siberia geografica rusa Siberia secondo i antichi uxi dei europei.

La Sibèria (in ruso: Сиби́рь Scolta (?·i); in tataro: Sibir; in mongolo: Seber, "la tèra che dròm") l'é na region che ciapa entre in bon toco dela Asia setentrional. No par nient lé na region enorme e la ga na estension de 9.653.000 km²: la ga sti lìmiti: de i monti Urali a òvest, el Pacìfico a èst, le catene del Altai e de i Sajany, e de la Manciuria a sud, e del Oceano Artico a nòrd^[1].

La é pì o manco tuta tela Rusia, a parte in picol tòc a sud-ovest in Kazakistan.

La ga in clima continental e la é tanto fređa. Spes la tenperadura la va sot ai -50 °C.

In ros la Transiberiana, che la pasa vìa tuta la Sibèria e in vert la Ferovia Bajkal-Amur

In Sibèria ghen é grandi forèste, e fiumi enòrmi, tipo el Ob', el Enisej, el Amur o el Irtyš. L'é fiumi tanto inportanti par la pesca, e sti cuà pì grandi anca par el trasporto su barca. El lago de acua dolẑa pì grando del mondo el é in Sibèria: el Bajkal. In realtà, te la Sibèria in generale i laghi no i é tanti.

La Sibèria la é pì che altro fata de sterminade pianure, anca se al cèntro la é fata da altipiani, e la ga montagne pì che altro a sud e te'l estrèmo èst. La conformaẑion sì piatta de la Sibèria la fa sì che de invèrno la se inpienise tuta ne neu, e al disgelo de primavera i fiumi, che i va vèrso nord e cuindi vèrso zone che le é ncora frede, no i sìe bòni de drenar bèn l'acua de disgelo. In pràtica, se va a crear grandi aree tute inpaludade.

Fonti

↑ Siberia su Enciclopedìa Treccani, par talian

Altri progèti

Wikimedia Commons el detien imàjini o altri file so Sibèria
Scholia el detien schemi gràfeghi so Sibèria

Controło de autorità	VIAF (EN) 316732881 · LCCN (EN) nb2018020107 · GND (DE) 4054780-2 · BNF (FR) cb11939827w (data) · WorldCat Identities (EN) nb2018-020107

[1] Siberia su Enciclopedìa Treccani, par talian

[1]