Quark up

Lo quark up (ò quark aut) es una particula elementària dau grop dei quarks. Es un fermion que tèn una carga electrica de ⅔ e e una massa situada entre 1,5 e 3 MeV.c^-2. Prevista en 1964 dins lo premier modèl dei quarks desvolopat per Murray Gell-Mann (1929-2019) e George Zweig (nascut en 1934), son existéncia foguèt demostrada en 1968.

Lo quark up participa a la formacion dei pions cargats π⁺, dei pions neutres π⁰, dei mesons η e η’ e de divèrsei barions.