Es un metal de transicion de color blanc , conductor de l'electricitat e de la calor, es ductil e malleable,se pòt laminar, polir e fargar aisidament, e presenta un ferromagnetisme. Se tròba dins diferents minerals, dins los meteorits (aliat amb lo fèrre) e, en principi, es present a l'interior de la Tèrra.
Es resistent a la corrosion e se pòt utilizar coma recobriment, per mejan de electrodeposicion. Lo metal e qualqu'un dels seus aliatges, coma lo metal Monel, s'utilizan per manejar lo fluor e d'unes fluorurs pel fach que reacciona amb dificultat amb aquestes produches.
Son estat d'oxidacion mai normal es +2. Ne pòt presentar d'autres, se son observats d'estats d'oxidacion 0, +1 e +3 dins de complexes, mas son paucs caracteristics.
