Lac (Bearn)

Lac^[1] o Lac e Audejòs ^[2]^[3] (Lacq en francés) qu'ei ua comuna bearnesa situada dens lo departament deus Pirenèus Atlantics e la region de Navèra Aquitània, ancianament d'Aquitània.

Lac
Lacq

Ancian putz apitat a l'entrada de la vila entà ondrar un virolet

Geografia fisica

Coordenadas

43° 24′ 49″ N, 0° 37′ 03″ O

Superfícia

17,05 km²

Altituds
· Maximala
· Mejana
· Minimala

190 m
117 m
88 m

Geografia politica

País

Bearn

Parçan

Bacin de Lac, Còr de Bearn

França

canton d'Artics e País de Seuvèstre (Artés, per Audejòs, e Lagòr per Lac, abans 2015)

Intercom
246400022

CC de Lac-Ortès

Cònsol

Didier Rey
(2020-2026)

Geografia umana

Populacion
Populacion totala
(2019)

725 ab.

737 ab.

Densitat

42,52 ab./km²

Autras informacions

(en francés)

64170

Qu'ei situada hens lo bacin de Lac, un parçan bearnés ric en activitat industriala e quimica. Lac qu'ei justament coneguda per la soa resèrva de gas naturau. La comuna qu'a decidit de tradúser los son panèus en bearnés.

Ensemble industriau e petroquimic de Lac

Geografia

Toponimia

Audejòs

Veire a l'article.

Lac

La prononciacion qu'ei [lak]. Las fòrmas ancianas que son Lag, en 1193, Lac au sègle XIII e en 1385, Lacq (mapa de Cassini, a la fin deu sègle XVIIIau) ^[4].

Dauzat qu'interprèta Lac com un possible *laccum (fundum), deu nom galic d'òmi *Laccos, d'après Laccobriga [o Lacobriga], nom d'ua vila; pòt pas estar un lac ^[5].

Segon Miquèu Grosclaude, Dauzat arrefusa lo nom Lac, pr'amor n'i a pas, e lo remplaça per un nom ipotetic [mès lo nom celtic Lacos qu'ei atestat]. Lo mot lac, deu latin lacum, que prengó sens diferents : lac > estanh > clòt > bacin de hont > balha de haure > cuba de trolh > casa peus gruns; en toponimia basca, lako, deu latin lacum qu'a sovent lo sens de « trolh, granja » e per extension, « cabana o estable, separat de l'abitacion ». Grosclaude que prepausa lo sens de « trolh, granja », deu latin lacum^[4].

Istòria

Lo 1èr de setémer 1972, Audejòs qu'estó incorporat a Lac per fusion-associacion ^[6]. Audejòs qu'èra deu canton d'Artés e que guardè la soa apertenéncia dinc a 2015. La comuna que comunica dab lo nom, pas oficiau, de Lacq-Audejos ^[7] : Lac e Audejòs.