Grèsas (Losera)

Lo nom chausit en títol Grèsas es probablament lo nom vertadièr, que correspond a la prononciacion relevada a Montrodat (comuna confrontanta), ['grɛsɔs] ^[1]. La varianta Gresas, amb e barrat, coma per Gresas (Perigòrd) o per Gresas (Carcin), es pus espandida.

Gredone sembla d'èsser lo nom a l'epòca gallo-romana. Probable que lo nom actual deriva del nom antic, que per ipotèsi aviá una longa en sillaba iniciala e venguèt aital proparoxiton (*Grédone o *Grèdone), çò qu'explicariá la tombada de la finala. O benlèu aquò's un afar de declinason ? Aquò escarta pas la possibilitat d'una contaminacion pel mot occitan gresa, nimai la d'una origina comuna a gresa e a Gredone (-d- intervocalic passa regularament a -s- sonòra, es a dire « z »).

Pr'aquò, Albèrt Dauzat tracta lo nom gavaudanés coma los autres Grèzes (en francés), çò que fòrça a precisar lo sens de l'apellatiu gresa, origina versemblabla dels omonimes o paronimes. Lo mot gresa, plan viu dins la lenga e frequent en toponimia, fòrma femenina de gres, « terrenh peirós, rocassut », d'origina pre-indoeuropèa segon Dauzat, pòt gardar lo sens de « tèrra magra e peirosa » o eventualament prene lo sens modèrne, atestat en Carcin, de « bosija, èrm » ^[2],[3]. Aquò's lo primièr sens, o un sens aparentat, que chal privilegiar per las epòcas ancianas e per las autras regions. D'unes autors fan pasmens de gresa un mot d'origina germanica, puslèu que pre-indoeuropèa ^[4],[5], çò qu'es curiós per un tèrme ligat al trabalh de la tèrra. Xavier Delamarre supausa una socha *gris- dins de noms galleses.

• Abans la refòrma cantonala de 2014, aplicada en 2015, la comuna èra del canton de Maruèjols; es ara del canton de Chairac.

modificar « persona »  v · d · m  Evolucion demografica Populacion comunala actuala (2013): 191, totala: 198
1793	1800	1806	1821	1831	1836	1841	1846	1851
390	408	592	439	458	495	498	513	443
1856	1861	1866	1872	1876	1881	1886	1891	1896
451	459	452	462	445	440	436	391	417
1901	1906	1911	1921	1926	1931	1936	1946	1954
405	434	421	334	285	270	301	290	192
1962	1968	1975	1982	1990	1999	2006	2007	2008
444	170	193	183	235	245	235	233	236 246
2009	2010
242 251	225 235
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• 2016 : 214

• Siti del conselh general de Losera (fr)

1. ↑ enquèsta Sivadon setembre 2019
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 328
3. ↑ Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 257
4. ↑ Gaston Bazalgues, A la Découverte des Noms de Lieux du Quercy et des Communes du Lot, Les Éditions de la Bouriane et du Quercy, 2002, p. 112
5. ↑ Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 171
6. ↑ Site du conseil général de la Lozère

•   Portal de Lengadòc