Vitamina

Las vitaminas (del latin vita (vida) + ammoniakós (del grèc 'producte libi', 'amoníac') + -ina (del latin substància)), son de compausats eterogenèus indispensables per la vida.

Las vitaminas son de moleculas organicas que lor manca pòt provocar de malautiás dichas avitaminòsis. L'organisme las pòt pas sintetizar, mas las deu aquerir amb las noiriduras. Una dieta que i mancan provocarà de tresviraments metabolics. Lor excès dich ipervitaminòsi pòt èsser toxic, especialament dins lo cas de las vitaminas liposolublas. L'intoxicacion per lor acumulacion dins lo còrs es possibla, après un periòde long d'abús. Las vitaminas agisson tanben coma substàncias antioxidantas, que prevenon mantun tipe de càncer, coma coenzimas e coma grops prostetics dels enzims. I a actualament 13 vitaminas classificadas dins dos bèls grops:

Vitaminas idrosolublas

Complèxe B
- Vitamina B1 o Tiamina (Antineuritica)
- Vitamina B2 o Riboflavina
- Vitamina B3, Vitamina PP o Niacina
- Vitamina B5 o Acid pantotenic
- Vitamina B6 o Piridoxina
- Vitamina B8, Vitamina H o Biotina
- Vitamina B9, Vitamina M o Acid folic
- Vitamina B12 o Cianocobalamina
Vitamina C o acid ascorbic (Antiescorbutica)

Vitaminas liposolublas

Vitamina A o Retinòl
Vitamina D o Colecalciferòl (antiraquitica)

Actualament la vitamina D, se considèra pas una vitamina, mas una ormona.

Vitamina E o Tocoferòl
Vitamina K o Naftoquinona (antiemorragica)

Besonh en vitaminas

Besonhs en vitaminas per un adulte de 70 kg
(1 µg = un milionen de grama).
Vitamina	AJR	AOJ
Vitamina C	60 mg	1000 mg
Vitamina B3	18 mg	190 mg
Vitamina B5	6 mg	400 mg
Vitamina B6	2 mg	10-20mg
Vitamina B2	1,6 mg	50 mg
Vitamina B1	1,4 mg	50 mg
Vitamina B9	200 µg	800 µg
Vitamina B8	150 µg	N.D.
Vitamina B12	1 µg	100 - 1000 µg
Vitamina D	5 µg	400-15000 UI levat se i a exposicion al solelh de 20 minutas
Vitamina E	15 UI	300-400 UI
Vitamina A	800 µg	5000 UI
Vitamina K	100 µg	80 µg