Vergueta

« » “ ” ‘ ’
Ponctuacion
Acolada	{ }
Parentèsi	( )
Cabrons	< >
Parentèsis cairadas	[ ]
Verguetas	« » o “ ”
Apostròf	' o ’
Virgula	,
Barra oblica	/
Barra oblica inversada	\
Espaci
Punt	.
Punts de suspension	…
Punt-virgula	;
Dos punts	:
Punt d'exclamacion	!
Punt d'interrogacion	?
Punt exclarrogatiu	‽
Punt d'ironia	⸮
Jonhent	-
Tiret	–
Simbòls diacritics
Accent agut	´
Accent agut doble	̋
Accent grèu	`
Accent grèu doble	̏
Accent circonflèxe	^
Haček	ˇ
Barra inscrita	-
Brèva	˘
Macron	ˉ
Cedilha	¸
Ogonek	˛
Punt interior	·
Bana	̛
Croquet en cap	̉
Punt sosescrit	ִ
Punt susescrit	˙
Redond en cap	˚
Tilde	~
Trèma	¨
Tipografia
Arròba	@
Eta	&
Asterisc	*
Asterisme	⁂
Coissinet	#
Numèro	№
Copyright	©
Marca	®
Gra	°
Gra Celsius	℃
Prima (1a, 2a, 3a)	′ ″ ‴
Obelisc	† o ‡
Paragraf	§
Per consequent	∴
Perque	∵
Pè de mosca	¶
Piuse	•
Tiret bas	_
Simbòls matematics
Mai e mens	+ -
Mai o mens	±
Multiplicat	× o ·
Devesit	÷
Egala	=
Per cent	%
Per mila	‰
Cairat	²
Cube	³
Micro	µ
Vinculum	◌̅
Simbòl monetari
modificar

Las verguetas (var. vergetas) o los guilheumets son de signes tipografics de pontuacion que servisson basicamaent per enclaure una expression, un tèrme o una citacion.

Las verguetas s'utilizan en parelhs, una per dobrir e una autra per barrar:

• («...») Verguetas bassas o angularas. Son tradicionalas dins la tipografia de las lengas romanicas.
• (“...”) Verguetas nautas: son dos parelhs ennaut amb lo parelh de dobertura capvirat. Son tradicionalas dins la tipografia de las lengas romanicas.
• (‘...’) Verguetas simplas. An un usatge mai rar.
• ('...' e "...") Verguetas drechas, que pòdon èsser simplas e doblas. Se devon pas confondre amb lo simbòl de las minutas e segondas de las coordenadas geograficas, astronomicas, matematicas e fisicas. S'utilizan en substitucion de las autras verguetas dins una tipografia de marrida qualitat, çò qu'arriba sovent amb certans logicials. Tanben arribava sovent amb las ancianas maquinas d'escriure.

L'apòstròf tipografic (’) a la meteissa forma qu'una vergueta simpla de barradura, e l'apòstrof drech (') la meteisssa que la d'una vergueta drecha.

Dins gaireben totas las lengas del mond, las verguetas vòlon un espaci del costat exterior mas pas jamai del costat interior.

• xxx «xxx» xxx
• xxx “xxx” xxx
• xxx ‘xxx’ xxx

L'usatge que consistís a metre un espaci insecable interior, amb las verguetas bassas, es tipic de la lenga francesa e s'obsèrva pas gaire dins las autras lengas; un tal usatge francés es pas sistematic ni solament obligatòri en occitan.

• usatge general e internacional: xxx «xxx» xxx
• usatge particular de la lenga francesa: xxx « xxx » xxx

Se plaçan per:

• Transcriure o far de citacions literalas.
• Indicar l'ironia. S'utilizan per senhalar los mots qu'apareisson dins un sens diferent de l'abitual, dins un ton ironic o enfatic.
• Senhalar de devisas, d'eslogans e de noms de campanhas.
• Indicar de capítols o las partidas d'una òbra.
• Autres cases: conferéncias, discorses, parlaments, rapòrts, taulas redondas...
• Dins lo cas de las verguetas dins d'autres verguetas, la gradacion se fa mejançant de verguetas diferentas, ansin:
  • «... “... ‘...’ ...” ...»
  • “... «... ‘...’ ...» ...”
  • “... ‘... «...» ...’ ...”

S'utiliza l'italic de preferéncia a las verguetas dins los cases seguents: títols, publicacions periodicas, escaisses, latinismes, fragments de lengas estrangièras e mots non inclusits dins lo diccionaris.

La virgula, lo punt-virgula e los dos punts se plaçan aprèp las verguetas de barradura. Lo punt se plaça abans se la citacion comença e acaba un paragraf. Los signes d'interrogacion e d'exclamacion se plaçan dins las verguetas s'apartenon al fragment citat.

La forma de las verguetas pòt variar segon las lengas. Vaicí diferentas formas e lors còdes.