Tremonts

Vilatge d'Occitània

Tremonts
Trémons

La dintrada del borg.

Geografia fisica

Coordenadas

44° 24′ 38″ N, 0° 54′ 01″ E

Superfícia

13,49 km²

Altituds
· Maximala
· Mejana
· Minimala

230 m
110 m
52 m

Geografia politica

Guiana

Agenés

França

Lo País de Sèrras (Pena d'Agenés abans 2015)

Intercom
244701389

CC de Fumèl Val d'Òut

Cònsol

Marie-Thérèse Pouchou
(2020-2026)

Geografia umana

Populacion
Populacion totala
(2018)

395 ab.

405 ab.

Densitat

28,69 ab./km²

Autras informacions

Còde postal

47140

Còde INSEE

47314

Tremont ^[1]^,^[2], o puslèu Tremonts segon l'istòria lingüistica (Trémons en francés) es una comuna occitana d'Agenés situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Perimètre del territòri

Comunas confrontantas de **Tremonts**
	Trentels	Sent Jòrdi

Pena d'Agenés	Dòuça	Casin de Ròca

Toponimia

La prononciacion es [tre'mun]. Bénédicte Boyrie-Fénié fornís de fòrmas ancianas : villa... Modalinens, en latin, en 817 [se tracta de Moudoulens], Tremons (ecclesia de ~), au sègle XIII, Tribus Montibus (parrochia de ~) prope Torno, en latin, al sègle XIII, Tribus Montibus (parrochie de Modalencs, de~), en 1271, Tres Montes, en latin, en 1307-1317, Trumont (capella de ~), en 1326, Tremons (ecclesia Beate Marie de ~), en 1511, Tribus Montibus (rector de ~), en latin, en 1520 ^[1].

Los toponimistas considèran que lo nom es format de mont, al plural, que correspond, siá als puèges que pòrtan las vilas principalas, Pena d'Agenés e Tornon d'Agenés, siá a l'ensemble des puèges (tipicament de mai de 200 m d'altitud), Puègcalvari, [la'tu], Cassanhas, etc, situats al sud, al sud-oèst, al sud-èst, estant que l'altitud merma en direccion de la val d'Òut, e d'un autre mot, que pòt èsser entre (del latin intra), o tras, del latin trans, « delà » : « entre los monts » o « delà los monts ». La situacion geografica ^[3] fariá puslèu pensar a la segonda possibilitat, mas l'evolucion fonetica (abséncia d'atestacions en tra-) fariá causir la primièra. Dins lo detalh, avèm Dauzat e Rostaing, que pòrta trans, milhor que intra, e mons, « montanha » ^[4], Negre, citat per Bénédicte Boyrie-Fénié, que causís tanben trans, tras, çò que motiva per la situacion « cap al nòrd en venent de Dòuça » (traduccion), Astor, citat tanben per Bénédicte Boyrie-Fénié, qu'explica lo nom per un desverbal de trasmontar, tresmontar, e Bénédicte Boyrie-Fénié, qu'aima mai entre, en precisant (çò qu'es pas indiscutible, i a plan de puèges comparables a l'entorn, en fòrma de semicercle, que pòdon motivar milhor la segonda partida del nom) que lo vilatge es entre Pena e Tornon. L'autora ajusta qu'es un nom d'epòca dialectala, que remplacèt un autre, puèi que l'origina del lòc es un domeni antic ^[1]. Es pas impossible, pr'aquò, de conciliar una primièra sillaba en Tre- e una origina en tras- : quand l' s finala de tras èra prononciada dins *Trasmonts, l'atraccion de tres (3) monts (veire la fòrma de 1307-1317) auriá poscut menar al vocalisme actual de la primièra sillaba.

Totas las atestacions medievalas menon cap a un nom al plural, donc Tremonts; la logica semantica (del sens), mai que mai se lo primièr element del nom es entre, fa tanben supausar Tremonts puslèu que Tremont : se pòt pas imaginar un vilatge entre un sol mont. Dins lo grope consonantic final, -t- es normalament mut. Per -s, dins un cas semblable, a mens de dètz km a l'èst, Borlens se pronóncia [bur'len] ^[1]. Se vei donc pas perqué Bénédicte Boyrie-Fénié escriu Tremont; lo nom en grafia classica es Tremonts.

Istòria

Moudoulens (nom francés), atestat au sègle IX, aviá benlèu una importància que perdèt. Segon lo canonge Durengues, abans 1789, la glèisa Senta Quitèira de Moudoulens èra l'annèxa de Sent Pèir de Tremonts. I aviá 280 comuniants a la matritz e 130 a l'annèxa. Lo total es coërent ambe la populacion de l'ensemble en 1800, mai de 600 abitants.

Administracion

Lista dels cònsols successius
Periòde		Identitat	Etiqueta	Qualitat
junh de 1995	2026^[5]	Marie-Thérèse Pouchou	PS	Presidenta de l'anciana Comunautat de comunas de Pena d'Agenés
?	1995	Jean-Claude Goutouly	PS
Totas las donadas son pas encara conegudas.

Abans la refòrma cantonala de 2014, aplicada en 2015, la comuna èra del canton de Pena d'Agenés; es adara del canton del País de Sèrras.

Demografia

modificar « persona »
v · d · m

Evolucion demografica
Populacion comunala actuala (2013): 387, totala: 393

606

672

691

753

680

658

701

679

648

604

570

540

470

487

481

435

444

441

409

370

392

378

365

334

351

324

302

291

244

256

339

340

359

362

364
374

2009

2010

367
376

377
386

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

en 1793, la comuna èra Puycalvary, Dousse, Tremons et Mondoulens (en francés). L'ensemble aviá 1037 abitants en 1793 ^[6]. Aprèp, i agèt doás comunas, Tremont qu'annexèt Moudoulens (nom francés), d'un costat, e Dòuça qu'annexèt Puègcalvari, de l'autre.
En 2018 la populacion èra de 395 abitants e la densitat èra de 29,28 ab/km².

Luècs e monuments

Personalitats ligadas emb la comuna

Veire tanben

Comunas d'Òut e Garona

Ligams extèrnes

Nòtas

↑ ^1,0 ^1,1 ^1,2 et ^1,3 Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 286-287
↑ https://web.archive.org/web/20170602164253/http://www.locongres.org/oc/aplicacions/top-oc/topoc-recerca/
↑ https://www.geoportail.gouv.fr/carte?c=0.15,44.7836&z=0.0001122899999984639&l=GEOGRAPHICALGRIDSYSTEMS.CASSINI$GEOPORTAIL:OGC:WMTS(1)&permalink=yes
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 683, a Tramont-Émy
↑ https://www.sudouest.fr/2020/05/28/lot-et-garonne-les-premieres-installations-des-conseils-municipaux-du-territoire-7519471-3815.php
↑ http://cassini.ehess.fr/cassini/fr/html/fiche.php?select_resultat=28300

Portau de Guiana

[bf-1] 1,0 ^1,1 ^1,2 et ^1,3 Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 286-287

[2] ttps://web.archive.org/web/20170602164253/http://www.locongres.org/oc/aplicacions/top-oc/topoc-recerca/

[3] ttps://www.geoportail.gouv.fr/carte?c=0.15,44.7836&z=0.0001122899999984639&l=GEOGRAPHICALGRIDSYSTEMS.CASSINI$GEOPORTAIL:OGC:WMTS(1)&permalink=yes

[4] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 683, a Tramont-Émy

[5] ttps://www.sudouest.fr/2020/05/28/lot-et-garonne-les-premieres-installations-des-conseils-municipaux-du-territoire-7519471-3815.php

[6] ttp://cassini.ehess.fr/cassini/fr/html/fiche.php?select_resultat=28300

[1]

[2]

[3]

[4]

[5]

[6]