Plaça Naqsh-e Jahan
La Plaça Naqsh-e Jahan es una plaça situada dins la vila iraniana d'Ispahan. Bastida au començament dau sègle XVII a l'iniciativa d'Abbas Ièr (1588-1629), es un rectangle de 560 × 160 m bordejat per plusors edificis politics, religiós e economics importants coma lo palais d'Ali Qapu, la Mosqueta dau Chah, la Mosqueta dau Cheic Lotfallah e lo Grand bazar. Aquela construccion fasiá partida dau projècte de centralizacion de Pèrsia menat per la Dinastia Safavida e permetiá de liar, d'un biais simbolic, leis elèits politics, religiós e economics a l'entorn dau sobeiran.
La plaça foguèt inscricha au Patrimòni Mondiau de l'Umanitat de l'UNESCO en 1979.