Pandicosa
(Redirigit dempuèi Panticosa)
Pandicosa (aragonés), Panticosa (espanhòu), qu'ei ua comuna deu nòrd d'Aragon situada dens la província d'Òsca e mei precisament dens la vath de Tena.
Vilatges
[modificar | Modificar lo còdi]
- Os Banyos: qu'ei ua estacion termau reputada per las proprietats terapeuticas de las soas sheis honts. Que's situa a 8 km deu center urban e qu'ei comunicada dab l'estacion balneària de Cauterèrs en Bigòrra peu passatge tradicionau deu pòrt de Marcadau. Qu'èra coneishuda peus romans a l'epòca d'August e de Tibèri. En 1286 lo rei d'Aragon Pèir I que concedí la montanha Plan d'Ibón au quiñón de Pandicosa. Las aigas termaus que demorèn desbrembadas dinc au sègle XVII. En 1826, lo rei Ferrand VII qu'expropriè los banhs au quiñon de Pandicosa e que dè a Nicolás Guallart los drets d'espleita dinc a 1854. Los bastiments principaus que son deu sègle XIXau. En 1966 qu'estón declarats d'interès toristic.
- O Pueyo: vilatge situat suu barratge de Bubal, on l'arriu de Caldarés e's geta dens l'arriu de Galligo, a 2 km deu center urban. Que s'i arremarcan los ostaus tradicionaus, lo palais de la Biñaza, lo pònt deu Conzellar e la glèisa de Sant Miquèu (d'ua nau, bastida au sègle XVIII suber ua glèisa deu sègle XVIau).
