Palèstra
La palèstra es un terren d'espòrt antic destinat ai espròvas de lucha. Lo luec conoissèt mai d'una evolucion durant lo periòde antic. A l'origina, èra destinat ai adolescents de 12 a 16 ans e permetiá de practicar la lucha, la gimnastica e d'exercicis fisics. Permetiá finda d'ensenhar la disciplina e li bòni manieras. L'objectiu èra de preparar lu adolescents a la guèrra, obligacion majora dei ciutadans. Pauc a pauc, la foncion educativa venguèt primordiala e d'autri estructuras s'ocupèron de l'entraïnament militar. La palèstra tradicionala èra un luec rectangular enviroutat de colomnas. Èra totjorn bastida a costat d'un gimnasi. Au centre, si trobava un bacin permetent ai enfants de pilhar de banhs. Lu Romans adoptèron lo concèpte de palèstra e l'exportèron dins tot l'Empèri. Totun, dins lo monde roman, la palèstra èra atenenta ai termas.