Serge Reggiani

Sergio Reggiani, nascut lo 2 de mai de 1922 a Reggio d'Emília (Itàlia) e mòrt lo 22 de julhet de 2004 còsta París a Boulogne e Billancourt (França), es un actor e un cantaire francés. Es doncas d'origina italiana, e i fa directament allusion dins sa cançon L'Italien. D'alhor, a agut cantat un pauc tanben en italian (sa lenga mairala).

Comença primièr de far de teatre, puèi de cinèma, e ven alavetz una figura marcanta del cinèma francés. Malgrat que se siá mes tardivament a la cançon (a 42 ans), va pasmens aver fòrça succès dins las annadas 1960 e 1970, e aital venir l'un dels noms grands de la cançon francesa, ambe tròcis d'ara enlà cultes coma Sarah, Ma Liberté, Les loups sont entrés dans Paris, Votre fille a vingt ans, Venise n'est pas en Italie, Le souffleur, Le barbier de Belleville, Le Petit Garçon o encara Il suffirait de presque rien. A souvent cantat Jacques Prévert (Barbara) e Boris Vian (Le déserteur, La java des bombes atomiques, Je voudrais pas crever).

Dins las annadas 1980, se descobrís una passion tardiva per la pintura.